ءبىرقاتار وڭىرگە اۋا رايىنا بايلانىستى ەسكەرتۋ جاسالدى

ەرتەڭ ەلىمىزدىڭ كەي ايماعىندا تۇمان تۇسەدى.

«قازگيدرومەت» رمك مالىمەتى بويىنشا، 26 قاڭتاردا قازاقستاننىڭ بەس وبلىسىندا اۋا رايىنا بايلانىستى ەسكەرتۋ جاسالدى، دەپ حابارلايدى Almaty-akshamy.kz

26 قاڭتار كۇنى سولتۇستىك قازاقستان وبلىسىنىڭ سولتۇستىگىندە، شىعىسىندا جاياۋ بۇرقاسىن كۇتىلۋدە. وبلىستىڭ سولتۇستىگىندە تۇمان ءتۇسۋى ىقتيمال. باتىس، وڭتۇستىك-باتىستان جەل سوعادى، شىعىس بولىگىندە تۇندە جەل ەكپىنى 15-20 م/س دەيىن جەتەدى. 26 قاڭتار تۇنىندە پەتروپاۆلدا جاياۋ بۇرقاسىن كۇتىلۋدە.

تۇركىستان وبلىسىنىڭ وڭتۇستىگى، باتىسىندا جانە تاۋلى، تاۋ بوكتەرىندەگى اۋداندارىندا تۇمان ساقتالادى. سول كۇنى تۇندە جانە تاڭەرتەڭ شىمكەنتتە تۇمان تۇسەدى. 26 قاڭتارعا قاراعان ءتۇنى جانە تاڭەرتەڭ تۇركىستاندا تۇمان بولادى.

باتىس قازاقستان وبلىسىنىڭ باتىسىندا، سولتۇستىگىندە جاياۋ بۇرقاسىن كۇتىلۋدە، ال سولتۇستىگىندە تۇمان ءتۇسۋى ىقتيمال. ورالدا تۇندە جانە تاڭەرتەڭ تۇمان بولادى.

اقتوبە وبلىسىنىڭ وڭتۇستىك-باتىسىندا، كۇندىز سولتۇستىك-باتىسى مەن ورتالىعىندا تۇمان تۇسەدى. وڭتۇستىك-شىعىس، وڭتۇستىكتەن جەل سوعىپ، كۇندىز سولتۇستىك-باتىس پەن ورتالىعىندا جەل ەكپىنى 25-20 م/س دەيىن جەتەدى.

پاۆلودار وبلىسىنىڭ باتىسىندا، وڭتۇستىك-باتىسىندا جاياۋ بۇرقاسىن بولىپ، باتىستان جەل سوعادى، جەل ەكپىنى 15-20 م/س دەيىن جەتەدى.