قار ارالاس جاڭبىر جاۋادى.
سينوپتيكتەر 3 قازاندا ەلىمىزدىڭ باسىم بولىگىندە اۋا رايى قولايسىز بولاتىنىن بولجايدى، دەپ حابارلايدى aqshamnews.kz
"قازگيدرومەت" رمك مالىمەتىنشە، رەسپۋبليكامىزدىڭ سولتۇستىگى مەن سولتۇستىك-باتىسىندا عانا جىلى ءارى جاۋىن-شاشىنسىز اۋا رايى ساقتالادى.
"قازاقستاننىڭ باسىم بولىگىندە جاڭبىر جاۋادى دەپ كۇتىلەدى، رەسپۋبليكامىزدىڭ وڭتۇستىك-باتىسىندا قاتتى جاڭبىر جاۋادى، وڭتۇستىك-شىعىستىڭ تاۋلى ايماقتارىندا تۇندە قاتتى جاۋىن-شاشىن بولادى (جاڭبىر، قار). ەلىمىزدىڭ باتىسىندا، وڭتۇستىگىندە، وڭتۇستىك-شىعىسىندا نايزاعاي ويناپ، كۇن رايى بۇزىلادى، وڭتۇستىك-شىعىس وڭىردەگى تاۋلى ايماقتاردا جاۋىن-شاشىن (جاڭبىر، قار) بولادى... قازاقستان بويىنشا ءتان ورتاق تابيعي قۇبىلىس - جەلدىڭ ەكپىن الۋى، تۇندە جانە تاڭەرتەڭ ەلىمىزدىڭ سولتۇستىگىندە، سولتۇستىك-باتىسىندا، وڭتۇستىك-شىعىسىنداعى تاۋلى اۋدانداردا تۇمان تۇسەدى"، دەپ بولجانادى.
سينوپتيكتەر بولجامىنشا، قاراعاندى، اباي وبلىستارىندا، اقتوبە ءوڭىرىنىڭ سولتۇستىگىندە، سولتۇستىك-شىعىسىندا، ۇلىتاۋ وبلىسىنىڭ شىعىسىندا، باتىس قازاقستان وبلىسىنىڭ سولتۇستىگىندە، قىزىلوردا ءوڭىرىنىڭ سولتۇستىك-باتىسىندا، جامبىل وبلىسىنىڭ وڭتۇستىك-شىعىسىندا، قوستاناي ءوڭىرىنىڭ وڭتۇستىگىندە، ماڭعىستاۋ وبلىسىنىڭ شىعىسىندا، باتىسىندا، وڭتۇستىگىندە، شىعىس-قازاقستان وبلىسىندا ءورت ءقاۋپى جوعارى بولادى.
"ماڭعىستاۋ، اتىراۋ، اقتوبە، تۇركىستان، قىزىلوردا، جامبىل، باتىس قازاقستان وبلىستارىندا، ۇلىتاۋ، قوستاناي وڭىرلەرىنىڭ وڭتۇستىك-باتىسىندا، قاراعاندى وبلىسىنىڭ باتىسىندا، شىعىسىندا، اباي ءوڭىرىنىڭ وڭتۇستىگىندە، جەتىسۋ وبلىسىنىڭ باتىسىندا، سولتۇستىگىندە، ورتالىعىندا، الماتى وبلىسىنىڭ سولتۇستىگىندە، باتىسىندا توتەنشە ءورت ءقاۋپى ساقتالادى"، دەپ تولىقتىرادى "قازگيدرومەت" رمك.
بۇعان دەيىن 2024 جىلدىڭ 3 قازان مەن 5 قازان ارالىعىندا قازاقستاننىڭ وڭتۇستىگىندە جاۋىن-شاشىندى اۋا رايى كۇتىلەتىنى، ال سولتۇستىك جانە شىعىس وڭىرلەردە سىناپ باعانى 8 گرادۋس سۋىقتى كورسەتەتىنى، ۇسىك جۇرەتىنى بولجانعان.