قازگيدرومەت ماماندارىنىڭ بولجامىنا سايكەس، ەلىمىزدىڭ وڭتۇستىك، وڭتۇستىك-شىعىس، شىعىس جانە ورتالىق اۋماقتارىندا، اۋا تەمپەراتۋراسى ءبىرشاما جوعارىلايدى.
تاۋلى اۋدانداردا وزەن مەن كولدەر ارناسىنان تاسۋى مۇمكىن. قالعان 13 وڭىردە داۋىلدى ەسكەرتۋ جاريالاندى، دەپ حابارلايدى Almaty-akshamy.kz 24.kz-كە سىلتەمە جاساپ.
كۇن كۇركىرەپ، قار ارالاس جاڭبىر جاۋۋى ىقتيمال. اباي، جامبىل، پاۆلودار، شىعىس قازاقستان وبلىستارىندا جانە استانادا كوكتايعاق كۇتىلەدى. اقمولا، قوستاناي جانە سولتۇستىك قازاقستاندا جاياۋ بۇرقاسىن بولىپ، باتىستى تۇمان تورلايدى. ەل بويىنشا جەل ەكپىنى سەكۋندىنا 20 مەترگە دەيىن كۇشەيەدى، - دەيدى سينوپتيكتەر.
«ەل اۋماعىندا جاۋعان قار كولەمى 72-دەن 68 پايىزعا دەيىن ازايدى. 15 ناۋرىزعا دەيىن رەسپۋبليكانىڭ باسىم بولىگىندە قۇبىلمالى كۇن رايى ساقتالادى. ەرتەڭ ورتالىق جانە شىعىس قازاقستاندا قاتتى جاۋىن-شاشىن بولۋى مۇمكىن»، - دەيدى «قازگيدرومەت» رمك باسپا ءسوز حاتشىسى الينا يسماعۇلوۆا.