امەريكالىق پۋرديۋ ۋنيۆەرسيتەتىنىڭ عالىمدارى وسىنداي قورىتىندىعا كەلگەن.
بۇل جايىندا islam.kz پورتالى CNN اقپارات كوزىنە سىلتەمە جاساي وتىرىپ ءمالىم ەتكەن، دەپ حابارلايدى aqshamnews.kz
ساراپشىلار بۇل باعىتتاعى زەرتتەۋدى كليماتتىڭ وزگەرسىنىڭ مودەلىنە جانە مالىمەتتەرى نەگىزىندە جۇرگىزدى. عالىمدار تەمپەراتۋرا مەن ىلعالدىلىقتىڭ بىرتە-بىرتە جوعارىلاۋىنان الەمنىڭ كەيبىر ايماقتارىنىڭ ادامزات ءۇشىن ءقاۋىپتى ءارى تىرشىلىككە قولايسىز وڭىرلەرگە اينالاتىنىن العا تارتىپ وتىر. دالىرەگى، جوعارىدا اتالعان ايماقتاردىڭ قاتەرلى ولكەلەرگە اينالۋىنىڭ ەڭ باستى سەبەبىنە حالىقتىڭ تىعىز ورنالاسۋىن جاتقىزىپ وتىر.
بۇل ايماقتاردا، ءتىپتى، تۇنگى تەمپەراتۋرا دا قولايسىز دەڭگەيدەن تۇسپەيتىندىكتەن ادام ورگانيزىمىنىڭ قالپىنا كەلۋ پروسەسىن تەجەيتىن بولادى. سونىڭ ىشىندە جۇرەك-قان تامىر اۋرۋلارى ءورشيدى. الەكسەي كوكورين ەسىمدى رەسەيلىك كليماتولوگ كليمات داعدارىسىنىڭ ەڭ ناشار سەنارييى بويىنشا 21 عاسىردىڭ سوڭىنا قاراي شامامەن ءۇش ميلليارد ادام، ياعني، پلانەتا حالقىنىڭ 30 پايىزى تۇرعىلىقتى جەرىن وزگەرتۋگە ءماجبۇر بولاتىنىن مالىمدەگەن ەدى. دەسە دە پلانەتا حالقىنىڭ ءبىر بولىگى اۋىز سۋ تاپشىلىعىنا بايلانىستى تۋعان جەرلەرىن تاستاپ كەتۋگە، ياعني، وزگە وڭىرلەرگە قونىس اۋدارۋعا ءماجبۇر بولادى.