وقۋ-اعارتۋ مينيسترلىگى اتا-انالاردىڭ ءوتىنىشى بويىنشا ءبىلىم بەرۋ ۇيىمدارىنا قابىلداۋ قاعيدالارىنا وزگەرىستەر ەنگىزدى، دەپ حابارلايدى Almaty-akshamy.kz
«ەگەر بۇرىن ءبىرىنشى سىنىپقا قابىلداۋ مەرزىمى ءساۋىردىڭ 1-ىنەن تامىزدىڭ 1-ىنە دەيىن جۇزەگە اسىرىلسا، ەندى بالانىڭ اتا-اناسىنان نەمەسە وزگە دە زاڭدى وكىلدەرىنەن ءبىرىنشى سىنىپقا قۇجاتتاردى قابىلداۋ بيىل ءساۋىردىڭ 1ء-ى مەن تامىزدىڭ 31ء-ى ارالىعىندا وتەدى.
تەك دەمالىس كەزىندە عانا مەكتەپتەن مەكتەپكە اۋىسۋعا شەكتەۋ الىندى. وسىلايشا، جاڭا ەرەجەلەرگە سايكەس، بالالاردى تۇرعىلىقتى جەرى بويىنشا وقۋ جىلى ىشىندە مەكتەپتەن مەكتەپكە اۋىستىرۋ مۇمكىندىگى بار»، - دەلىنگەن مينيسترلىك اقپاراتىندا.
تەحنيكالىق جانە كاسىپتىك ءبىلىم بەرۋ ۇيىمدارىنا قابىلداۋ كەزەڭى تامىزدىڭ 25ء-ى اياقتالۋىنا بايلانىستى ءبىلىم الۋشىلاردىڭ وتىنىشتەرىن ونىنشى سىنىپقا قابىلداۋ مەرزىمى تامىزدىڭ 15-ىنەن تامىزدىڭ 31-ىنە وزگەرتىلدى. كوللەدجگە قابىلدانباعان ءبىلىم الۋشىلار مەكتەپتىڭ 10-11-سىنىپتارىندا وقۋىن كەدەرگىسىز جالعاستىرا الادى.