ءبىرىنشى سىنىپقا قۇجاتتاردى قابىلداۋ مەرزىمى وزگەرمەيدى

كەيبىر اتا-انالار قالاعانداي 1-سىنىپقا قۇجات قابىلداۋ مەرزىمى وزگەرمەيتىنىن اتاپ ءوتتى.

بۇل تۋرالى بۇگىن وتكەن ۇكىمەتتىڭ كەزەكتى وتىرىسىندا وقۋ-اعارتۋ ءمينيسترى عاني بەيسەمبايەۆ جۋرناليستەر ساۋالىنا جاۋاپ بەردى، دەپ حابارلايدى Almaty-akshamy.kz.

بەيسەمبايەۆ مينيسترلىك كوكتەمنەن بەرى ارنايى قابىلداۋ اشىپ، اتا-انالار بۇل ماسەلەنى الدىن الا قولعا العانىن قالاعانىن ءتۇسىندىردى.

«بۇل جەردە تەك مەكتەپكە بارۋ عانا ەمەس، بارلىعىن الدىن الا جوسپارلاۋ قاجەت. بۇل وقۋلىقتاردىڭ سانىنا دا قاتىستى.  ارينە، 1 قىركۇيەكتە مۇمكىن بولار ەدى، ءبىراق ول كەزدە 1-سىنىپ وقۋشىلارى ءۇشىن قانشا وقۋلىق قاجەت ەكەنىن بىلمەيمىز. بۇل مەرزىم 1-سىنىپقا باراتىن بالالارىمىزدى قامتاماسىز ەتۋ ءۇشىن قاجەت ءبىرقاتار ءىس-شارالارعا بايلانىستى. قىركۇيەكتىڭ 1-ىندە كەلسە، ەرتەڭ وقۋلىق جەتىسپەيدى دەيدى. ال ءبىز ولاردى جەتكىلىكتى مولشەردە ساتىپ الۋىمىز كەرەك»، دەدى عاني بەيسەمبايەۆ

ەسكە سالا كەتسەك، 1 قىركۇيەكتەن باستاپ كەيبىر سىنىپتارداعى مەكتەپ باعدارلاماسى وزگەرەتىنى حابارلانعان ەدى. 2023 جىلدىڭ 1 قىركۇيەگىنەن باستاپ 2-سىنىپتا «شەتەل ءتىلى» ءپانىن الىپ تاستاۋ كوزدەلگەن. سونىمەن قاتار «كوركەم جۇمىس» ءپانىنىڭ ورنىنا «ەڭبەككە باۋلۋ» جانە «بەينەلەۋ ونەرى» پاندەرى ەنگىزىلگەن.