ەكولوگيالىق جوبا 2024 جىلدىڭ سوڭىنا دەيىن جالعاسادى.
«Birgemiz: Taza Alem» جالپىۇلتتىق جوباسى اياسىندا ەرىكتىلەر قازاقستاندا ەكولوگيالىق اكسيالاردى ۇيىمداستىرۋ، قورشاعان ورتانى قورعاۋ جانە كوگالداندىرۋ باستامالارىن قولعا العان، دەپ حابارلايدى Almaty-akshamy.kz Egemen.kz cىلتەمە جاساپ.
«Birgemiz: Taza Álem» جوباسىنىڭ نەگىزگى ماقساتى – ەكولوگيالىق ماسەلەلەردى شەشۋدە ازاماتتاردى ەرىكتىلىك قىزمەتكە، قورشاعان ورتانى قورعاۋعا، وزەندەر مەن ورمانداردى تازارتۋعا، اعاش تالدارىن وتىرعىزۋعا، قوقىستى سۇرىپتاۋعا جانە ەكولوگيالىق قاۋىپسىزدىكتى ساقتاۋدى ۇيرەتۋگە تارتۋ. ول ق ر اقپارات جانە قوعامدىق دامۋ مينيسترلىگىنىڭ جانە ازاماتتىق باستامالاردى قولداۋ ورتالىعىنىڭ قولداۋىمەن جۇزەگە اسىرىلۋدا.
جالپىۇلتتىق جوبا شەڭبەرىندە ەكولوگيا، ونىڭ ىشىندە قورشاعان ورتانى قورعاۋ، ەكولوگيالىق قاۋىپسىزدىك سالاسىنداعى ۆولونتەرلەردى دايارلاۋ جانە وقىتۋ جۇرگىزىلەدى. 2024 جىلدىڭ سوڭىنا دەيىن جالعاساتىن جوباعا كەمىندە 8 مىڭ ەكوۆولونتەر تارتىلماق.
«Birgemiz: Taza Alem» جالپىۇلتتىق جوباسىن ىسكە اسىرۋ شەڭبەرىندە «الەۋمەتتىك جوبالار قورى» كق شاعىن گرانتتاردى ۇسىنۋ جونىندە كونكۋرس وتكىزدى. ۆولونتەرلىك باستامالار ەكولوگيالىق مادەنيەتتى قالىپتاستىرۋ جانە ەكولوگيالىق پروبلەمالاردى شەشۋگە قوعامنىڭ نازارىن اۋدارۋ، وزەندەر مەن ورمانداردى تازارتۋ، اعاش وتىرعىزۋ، قوقىستى سۇرىپتاۋعا ۇيرەتۋ سياقتى باعىتتاردى قامتيدى. ءار گرانتتىڭ مولشەرى 300 مىڭ تەڭگەنى قۇرايتىنىن ايتا كەتۋ كەرەك.
«بيىل شاعىن گرانتتار بايقاۋىنا 104 ءوتىنىم كەلىپ ءتۇستى. ونىڭ ىشىنەن تاۋەلسىز كوميسسيا 30 ۇزدىك جوبانى انىقتادى. وتىنىمدەردىڭ باسىم بولىگى جامبىل وبلىسىنان كەلىپ ءتۇستى. قوعام بەلسەندىلەرى قوعامعا قاجەتتى كوپتەگەن قىزىقتى ەكو-باستامالاردى ۇسىندى. ەكو-بەلسەندىلەردىڭ ەلىمىزدىڭ گۇلدەنۋىنە ءوز ۇلەستەرىن قوسقىسى كەلەتىنى قۋانتادى»،- دەيدى «الەۋمەتتىك جوبالار قورى» كق جەتەكشىسى ەربول كەڭگەربايەۆ.
ماسەلەن، «جاڭاارقانىڭ ىسكەر ايەلدەرى» قب ءوز جوباسى ارقىلى جاڭاارقا اۋدانىنا قاراستى ىنتىماق اۋىلىنىڭ تۇرعىندارى اراسىندا ەكولوگيالىق مادەنيەت نەگىزدەرىن قالىپتاستىرۋعا باعىتتالعان شارالاردى ۇيىمداستىرادى. بۇل جوبا جەرگىلىكتى ءتۋريزمدى دامىتۋعا وڭ ىقپال ەتەدى.
ال «JASYL SAQŞY» جوباسى ەلىمىزدىڭ ءىرى مەگاپوليسى - شىمكەنتتە ىسكە اسىرىلادى. قالادا قورشاعان ورتانى قورعاۋ سالاسىندا پروفيلاكتيكالىق جانە الەۋمەتتىك جۇمىستاردى ۇيىمداستىراتىن ەكو-ەرىكتىلەر پۋلى قۇرىلادى دەپ كۇتىلۋدە.
ايتا كەتسەك، ەلوردا بەلسەندىلەرى ۆولونتەرلىك باستامالاردى ىسكە اسىرۋعا جانە ەكولوگيالىق پروبلەمالاردى شەشۋگە قوعامنىڭ نازارىن اۋدارۋعا باعىتتالعان «ەكودوبرو» جوباسىن باستادى.