ەرىكتىلەر كينولوگيالىق قىزمەتتەرمەن ىنتىماقتاستىقتا بەلسەندى جۇمىس جۇرگىزۋگە نيەتتى
قازاقستاندا ەرىكتىلەردىڭ ىزدەستىرۋ ءىس-شارالارىنا قاتىسۋىن كەڭەيتۋگە جانە حالىقتى توتەنشە جاعدايلاردان قورعاۋعا باعىتتالعان ۆirgemiz: Úmit جالپىۇلتتىق جوباسى ىسكە اسا باستادى، دەپ حابارلايدى Almaty-akshamy.kz Inform.kz-كە سىلتەمە جاساپ.
ازاماتتىق باستامالاردى قولداۋ ورتالىعى باسپا ءسوز قىزمەتىنىڭ مالىمەتىنشە، الەۋمەتتىك جوبانى اقپارات جانە قوعامدىق دامۋ مينيسترلىگى قولداپ وتىر.
«جوبانى ىسكە اسىرۋ بارىسىندا جوعالعان ادامداردى ىزدەۋ جونىندەگى ءىس-شارالارعا ۆولونتەرلەردى تارتۋ ءۇشىن ءبىز كونكۋرستىق نەگىزدە كەمىندە 30 شاعىن گرانتتى ۇسىنامىز. ۆولونتەرلەردى نەعۇرلىم كوپ دايىنداپ، وقىتساق، جوبانى ىسكە اسىرۋ سوعۇرلىم ءتيىمدى بولادى. ەڭ تابىستى كوماندالاردىڭ تاجىريبەسى 10 كەيس جيناعىنا كىرەدى»، - دەدى «قىزىلوردا ەرىكتىلەرى» قق اتقارۋشى ديرەكتورى ولگا چەباكوۆا.
بۇل شاراعا كەمىندە 2 مىڭ قازاقستاندىق تارتىلماق. ولاردىڭ 50ء-ى – كۇمىس ۆولونتەر قاتارىنان بولۋى ءتيىس.
ايتا كەتەيىك، بيىل ەرىكتىلەر كينولوگيالىق قىزمەتتەرمەن ىنتىماقتاستىقتا بەلسەندى جۇمىس جۇرگىزۋگە نيەتتى. ۇيىمداستىرۋشىلار قىزمەتتىك يتتەردىڭ قۇتقارۋشىلارعا توتەنشە جاعدايلاردا ادامداردى ىزدەۋگە جانە قۇتقارۋعا ۇلكەن كومەك تيگىزەتىنىن ايتادى.