جەل ەكپىنى سەكۋندىنا 15-20 مەترگە جەتەدى
الماتى قالاسى مەن تاۋ بوكتەرىندەگى اۋدانداردا قاتتى جاڭبىر جاۋىپ، جەل كۇشەيەدى دەگەن بولجام بار، دەپ حابارلايدى Almaty-akshamy.kz Inform.kz-كە سىلتەمە جاساپ.
سينوپتيكتەر 14 -15 مامىر كۇندەرى قالادا تاۋلىك بويى قاتتى جاڭبىر جاۋىپ، كەي ۋاقىتتا نايزاعاي وينايتىنىن جانە 15 مامىردا بۇرشاق بولاتىنىن ەسكەرتتى.
«باتىستان جەل سوعىپ، نايزاعاي كەزىندە جەل ەكپىنى سەكۋندىنا 15-20 مەترگە جەتەدى. قۇرمەتتى قالا تۇرعىندارى مەن قوناقتارى، جاۋىن-شاشىن كەزىندە عيماراتتار مەن ءۇي-جايلاردان مۇمكىندىگىڭىزشە شىقپاڭىز. كولىكتەردى اعاشتاردىڭ استىندا قالدىرماڭىز»، - دەپ حابارلادى الماتى قالالىق توتەنشە جاعدايلار دەپارتامەنتىنەن.
ەسكە سالايىق، 11 مامىر كۇنى الماتىدا نوسەر جاۋىن جاۋىپ، قالا اۋماعىندا ءبىرقاتار كوشە مەن تۇرعىن ۇيلەردىڭ اۋلاسىن سۋ باسىپ قالدى. جاڭبىر مەن داۋىل سالدارىنان 19 اعاش قۇلادى. ءبىر اۆتوكولىك پەن تۇرعىن ءۇي زارداپ شەكتى.
قالالىق جاسىل ەكونوميكا باسقارماسىنىڭ مالىمەتىنشە، شاھاردا نوسەر كەزىندە ۇنەمى سۋ باسىپ قالاتىن 56 ايماق بار.