ەكپەنىڭ 1-كومپونەنتىن اقپان ايىنان بەرى 615 661 ادام سالدىرعان.
ەكپە سالۋدان الماتىلىقتار كوش باستاپ تۇر. وتكەن تاۋلىكتە الماتىدا 15 مىڭنان استام ادام ۆاكسينا سالدىرعان، دەپ حابارلايدى Almaty-akshamy.kz Baq.kz cايتىنا سىلتەمە جاساپ.
الماتى قالاسى قوعامدىق دەنساۋلىق ساقتاۋ باسقارماسىنىڭ مالىمەتى بويىنشا، ۆاكسينا العاندار ىشىندە 60 جاستان اسقان كىسىلەردىڭ سانى - 91 263.
بۇگىنگى تاڭدا الماتىدا مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلاردا جانە قالانىڭ سوسو-دا 212 ۆاكسينالاۋ پۋنكتى جۇمىس ىستەيدى. 308 ۆاكسيناسيا بريگاداسىندا 1 260 مەديسينا قىزمەتكەرلەرى جۇمىلدىرىلعان.
سونداي-اق قالادا كوروناۆيرۋستىڭ تارالۋى ءالى دە ۇشىعىپ تۇر. 13 شىلدە كۇنگى جاعداي بويىنشا كوروناۆيرۋستىق ينفەكسيانىڭ 640 جاڭا جاعدايى تىركەلگەن.
«ينفەكسيالىق ستاسيونارلاردا 1 947 ادام ەم الۋدا، ونىڭ 168ء-ى - بالا. جالپى، رەانيماسيا جانە قارقىندى تەراپيا بولىمشەسىندە 133 ناۋقاس بار. بمسك مەن تەلەمەديسينا ورتالىعىنىڭ ءموبيلدى توپتارىمەن بىرگە ءۇي جاعدايىندا 3 527 ناۋقاس باقىلاۋدا، ولاردىڭ ىشىندە جەڭىل جانە ورتاشا اۋىرلىق دارەجەسىندە 3194، سيمپتومسىز 333 ناۋقاس بار»، - دەلىنگەن حابارلامادا.