كۇنىنە 2500-3000 كىرىس جانە شىعىس قوڭىراۋ بايلانىستارى قارالۋدا.
الماتى قالاسىندا تەلەمەديسينا ورتالىعىنىڭ قىزمەتكەرلەرى كۆي جۇقتىرعان جانە اۋىراتىن 3 مىڭنان استام ناۋقاسقا قاشىقتىقتان كەڭەس بەرەدى جانە كۇندەلىكتى مونيتورينگ جۇرگىزەدى، دەپ حابارلايدى Almaty-akshamy.kz.
بۇگىنگى تاڭدا الماتىداعى تەلەمەديسينا ورتالىعىنداعى دارىگەرلەردىڭ باقىلاۋىندا 3527 ناۋقاس جانە ستاسيوناردان كەيىن 49 ناۋقاس بار.
قازىرگى كەزدە ورتالىقتا 52 158 كىرىس جانە 472 043 شىعىس قوڭىراۋعا قىزمەت كورسەتىلدى.
تەلەمەديسينا ورتالىعى (بۇدان ءارى - تمو) ۇيدە ەم قابىلداپ جاتقان COVID-19 ىندەتىمەن اۋىراتىن پاسيەنتتەرگە كومەك كورسەتۋ ماقساتىندا 2020 جىلعى قىركۇيەك ايىندا اشىلعان بولاتىن. ورتالىقCOVID-19 دەرتىمەن اۋىراتىن پاسيەنتتەرگە، سونداي-اق، ءقاۋىپ توبىنا كىرەتىندەرگە قاشىقتان باقىلاۋ مەن كونسۋلتاسيا جۇرگىزەدى.
«ءبىز مساك ۇيىمدارىنىڭ ماماندارىمەن جۇرگىزىلگەن وفلاين كەڭەستەن سوڭ تمو ماماندارى ونلاين تۇرىندە كەڭەس بەرەدى جانە ءۇي كارانتينىندەگى COVID-19 بەن اۋراتىن پاسيەنتتەر بويىنشا مونيتورينگ جۇرگىزەمىز. ەمدەلۋگە جاتقىزۋعا كورسەتكىشتەر بولعان كەزدە تمو موبيلدىك بريگادا نەمەسە جەدەل جاردەم شاقىرادى. پاسيەنتتەردى ءتيىستى مەديسينالىق كومەك كورسەتۋ ءۇشىن ستاسيونارلارعا جىبەرەمىز»،– دەدى تمو باسشىنىڭ م.ا. جۇلدىز باۋىرجان قىزى.
سونىمەن قاتار، الماتى قالاسىنىڭ تۇرعىندارىنان COVID-19 اۋرۋىنا كۇدىكتىلەرگە مەديسينالىق كومەك كورسەتۋ ماسەلەسى جونىندەگى كىرىس قوڭىراۋلار تۇسكەن كەزدە، ماماندار اكتيۆتى قابىلداپ، تۇرعىننىڭ تۇراتىن اۋماقتىلىعى بويىنشا قالا تۇرعىنىنا مەديسينالىق كومەك كورسەتۋ ءۇشىن ەمحاناعا جىبەرەدى، سونداي-اق، ۆاكسيناسيا ماسەلەسى بويىنشا كەڭەس بەرەدى.
تەلەمەديسينا ورتالىعىنىڭ تاۋلىك بويعى بايلانىس تەلەفوندارى: 8 (727) 300 505، ۇيالى تەلەفوننان قىسقا قوڭىراۋ 1312 نومەرى ارقىلى.