پرەزيدەنت قاسىم-جومارت توقايەۆ پارلامەنتتىك رەفورما جونىندەگى جۇمىس توبىنىڭ ءبىرىنشى وتىرىسىندا ءسوز سويلەدى، - دەپ حابارلايدى aqshamnews.kz ءتىلشىسى.
"بارشاڭىزعا ءمالىم، ەلىمىزدە ءتۇرلى باعىتتا اۋقىمدى وزگەرىستەر جاسالۋدا. ءبىر ەل بولىپ ساياسي، الەۋمەتتىك-ەكونوميكالىق رەفورمالاردى جۇزەگە اسىرىپ جاتىرمىز. وسى وزگەرىستەر جالعاسىن تابۋى كەرەك. ءبىر ورىندا تۇرىپ قالۋعا بولمايدى"، - دەدى پرەزيدەنت.
مەملەكەتىمىزدى تۇبەگەيلى جاڭعىرتۋ ستراتەگياسىن "كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت" تۇجىرىمداماسىنا ساي جۇرگىزە بەرۋ ماڭىزدى. بۇل – ەلىمىزدە پرەزيدەنتتىك بيلىك جۇيەسىنىڭ تيىمدىلىگى ساقتالادى دەگەن ءسوز.
"جالپى، ءبىر پالاتالى پارلامەنتكە كوشۋ حالىقارالىق ۇردىسكە تولىق ساي كەلەدى. الەم ەلدەرىنىڭ ۇشتەن ەكىسىندە وسىنداي پارلامەنتتىك جۇيە قالىپتاسقان. ءدال ءقازىر بىزگە كەرەگى – ورتاق ۇستانىم جانە پاراساتتى، سالماقتى ۇسىنىس. سوندىقتان بارلىق وي-پىكىردى، ۇسىنىستى مۇقيات زەرتتەيمىز، ەگجەي-تەگجەيلى قارايمىز"، - دەدى مەملەكەت باسشىسى.