ق ر پارلامەنتى سەناتىنىڭ ءتوراعاسى ماۋلەن اشىمبايەۆ بۇگىنگى سايلاۋدىڭ اشىق ءارى ءادىل وتەتىندىگىنە سەنىم ارتتى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«بۇگىن – ماڭىزدى كۇن. ءماجىلىس جانە ءماسليحاتتار دەپۋتاتتارىنىڭ سايلاۋى ءوتىپ جاتىر. سايلاۋ – ساياسي رەفورمالاردىڭ ءبىر بولىگى جانە ماڭىزدى. ساياسي ناۋقان جاڭارعان زاڭنامانىڭ نەگىزىندە ءوتىپ جاتىر. بىلتىر رەفەرەندۋم ءوتىپ كونستيتۋسيامىزعا ۇلكەن وزگەرىستەر ەنگىزىلدى. ودان بولەك، ءبىراز زاڭدار قابىلداندى. ءبىر مانداتتى وكرۋگتەن سايلانۋدىڭ ەنگىزىلۋى قوعام تاراپىنان جاقسى قابىلدانىپ جاتىر دەپ ايتۋعا نەگىز بار»، - دەدى ماۋلەن اشىمبايەۆ سايلاۋدا داۋىس بەرگەن سوڭ ب ا ق وكىلدەرىنىڭ ساۋالىنا جاۋاپ بەرە تۇرىپ.
سەنات ءتوراعاسىنىڭ ايتۋىنشا، بۇل جولعى سايلاۋدا جوعارى بەلسەندىلىك بايقالادى.
«سايلاۋدا ءبىر مانداتتى وكرۋگتەر كانديداتتارى جانە ءوزىن-وزى ۇسىنعاندار اراسىندا باسەكە اسا جوعارى. بۇل مەملەكەت باسشىسى قابىلداعان ساياسي رەفورمالاردىڭ وزەكتىلىگى مەن ۋاقىتىلى ەكەندىگىنىڭ كورىنىسى. ءماجىلىس جانە ءماسليحاتتار دەپۋتاتتارى سايلاۋىن زاڭ تالاپتارى مەن حالىقارالىق ستاندارتتارعا سايكەس وتەدى دەپ سەنەمىن. بۇگىنگى ناۋقان بارىسىن حالىقارالىق ۇيىمداردىڭ بايقاۋشىلارى قاداعالاپ جاتىر. بارشانى سايلاۋدا ءوز تاڭداۋىن جاساۋعا شاقىرامىن. بيلىكتىڭ قاينار كوزى – حالىق. حالىقتان جوعارى ەشكىم تۇرا المايدى. ءبىز سايلانعان ءماجىلىس دەپۋتاتتارىمەن قويان-قولتىق جۇمىس ىستەۋگە دايىنبىز»، - دەيدى ول.
بۇعان دەيىن سەنات ءتوراعاسىنىڭ ەلورداداعى №111 سايلاۋ ۋچاسكەدە ءوز تاڭداۋىن جاساعانىن حابارلاعان ەدىك.