قازاقستاندا «ءبىر كۇندىك كلينيكا» جوباسى ءساتتى جۇزەگە اسىرىلۋدا. بۇل باستاما ايەلدەرگە «ءبىر تەرەزە» قاعيداتى بويىنشا ءبىر كۇن ىشىندە ساپالى پرەناتالدى دياگنوستيكا جانە تەكسەرۋ ناتيجەلەرىن الۋعا مۇمكىندىك بەرەدى، دەپ حابارلايدى aqshamnews.kz
جوبا العاشىندا پيلوتتىق رەجيمدە بىرنەشە وڭىردە باستالىپ، بۇگىندە بۇكىل ەل اۋماعىنا تاراتىلدى. ونىڭ باستى ارتىقشىلىعى – تۋا بىتكەن كىناراتتار مەن حروموسومالىق پاتولوگيالاردى ەرتە انىقتاۋ. قازىرگى تاڭدا بۇل مۇمكىندىكتى 40 مىڭنان استام ايەل پايدالاندى.
جوبانىڭ نەگىزگى ماقساتى – جۇكتى ايەلدەرگە جوعارى ساپالى قىزمەت كورسەتىپ، بولاشاق انا مەن بالا دەنساۋلىعىن قورعاۋ. 2025 جىلدىڭ 1 قاڭتارىنان باستاپ، جوبا ەلىمىزدىڭ بارلىق وڭىرىندە تۇراقتى تۇردە ىسكە اسىرىلادى.