كەلەر جىلى كەيبىر ۇستازداردىڭ ايلىعى تاعى 25% كوتەرىلەدى.
قازاقستان ۇستازدارىنىڭ ايلىعى ءوسىپ، بۇل سالاعا كەلۋشى مامانداردى سانى ارتا باستادى، دەپ حابارلايدى Almaty-akshamy.kz Ranking.kz سىلتەمە جاساپ.
2021 جىلدىڭ ەكىنشى توقسانىندا قازاقستاننىڭ ءبىلىم سالاسىندا جۇمىس ىستەپ جۇرگەن ازاماتتاردىڭ سانى 528،4 مىڭ ادامدى قۇرادى، بۇل وتكەن جىلمەن سالىستىرعاندا 2،5%-عا كوپ. سالىستىراتىن بولساق، وتكەن جىلى بۇل سالادا 515،5 مىڭ ادام جۇمىس ىستەگەن، دەمەك ءبىر جىلدىڭ ىشىندە سالاعا كەلۋشىلەردىڭ سانى 2،9% وسكەن.
رەسپۋبليكا وڭىرلەرىنىڭ ىشىندە مۇعالىمدەر سانى الماتى وبلىسىندا كوپ، ولاردىڭ سانى 68،3 مىڭ ادامعا جەتىپ وتىر. ۇزدىك ۇشتىككە الماتى قالاسى جانە شىعىس قازاقستان وبلىسى جاتادى
ءبىلىم سالاسىندا جۇمىس ىستەيتىن ازاماتتارى از وڭىرگە اتىراۋ وبلىسى جاتادى. بار بولعانى 14،2 مىڭ ادام جۇمىس ىستەيدى.
ءبىلىم بەرۋ سالاسى قىزمەتكەرلەرىنىڭ ورتاشا ايلىق جالاقىسى 2021 جىلدىڭ ەكىنشى توقسانىندا 233،9 مىڭ تەڭگەنى قۇرادى، بۇل وتكەن جىلمەن سالىستىرعاندا 26،8% -عا كوپ. ساتىپ الۋ قابىلەتىنىڭ يندەكسى 18،1% قۇرادى.
مەكتەپكە دەيىنگى ءبىلىم بەرۋ سالاسىنداعى قىزمەتكەرلەر رەسپۋبليكا بويىنشا ورتاشا العاندا 116،4 مىڭ تەڭگە (ناقتى 20،1%قوسىلعان)، باستاۋىش ءبىلىم مۇعالىمدەرى - 193،4 مىڭ تەڭگە (پليۋس 11،2%)، ورتا ءبىلىم بەرۋ ۇستازدارى - 273،7 مىڭ تەڭگە (پليۋس 19%)، جوعارى ءبىلىم بەرەتىن ماماندار - 251،7 مىڭ تەڭگە (پليۋس 12،2%) جالاقى الدى.
كوسىمشا ءبىلىم بەرۋ قىزمەتى سالاسىنداعى جۇمىسشىلار ورتاشا ەسەپپەن 177،1 مىڭ تەڭگە الادى، ياعني ايلىقتارى 11،6% كوبەيگەن.
رەسپۋبليكا بويىنشا، ءبىلىم بەرۋ سالاسىنىڭ ماماندارى اراسىندا استانا مۇعالىمدەرى تابىستى بولىپ كەلەدى: 350،8 مىڭ تەڭگە - ءبىر جىل بۇرىنعى جالاقىدان 17،6% كوپتەۋ. ەكىنشى جانە ءۇشىنشى ورىندارعا ماڭعىستاۋ وبلىسى (268 مىڭ تەڭگە) مەن الماتى (265،5 مىڭ تەڭگە) يەلەندى. ەڭ ناشار كورسەتكىش باتىس قازاقستان وبلىسىندا: 200،7 مىڭ تەڭگە، ياعني 31،6%-عا كوبەيگەن.
قازاقستان رەسپۋبليكاسىنىڭ 17 ايماعىنىڭ 5 -ىندە عانا جۇمىسشىلاردىڭ جالاقىسى ورتاشا رەسپۋبليكالىق دەڭگەيدەن اسىپ ءتۇستى، بۇل بەستىككە قىزىلوردا مەن الماتى وبلىستارى دا كىرەدى.
2022 جىلدىڭ قاڭتارىندا بالاباقشالار، مەكتەپتەر مەن كوللەدجدەر مۇعالىمدەرىنىڭ جالاقىسى تاعى 25%-عا وسەدى، دەپ حابارلايدى قازاقستاننىڭ ءبىلىم جانە عىلىم مينيسترلىگى. سونىمەن قاتار، 2021 جىلدىڭ قىركۇيەگىنەن باستاپ مۇعالىمدەردى قابىلداۋ جۇيەسى وزگەرۋدە جانە ءبىلىم بەرۋ ۇيىمدارىنىڭ ديرەكتورلارىن تاعايىنداۋدىڭ جاڭا جۇيەسى ەنگىزىلىپ جاتىر.
