بۇل - سوڭعى جىلدارداعى ەڭ جوعارعى كورسەتكىش.
بيىلعى جىلدىڭ ءبىرىنشى توقسانىندا قازاقستاندىقتاردىڭ شىعىندارى بىردەن 16،7%-عا ءوسىپ، جان باسىنا شاققاندا رەكوردتىق كورسەتكىشكە جەتتى، دەپ حابارلايدى Almaty-akshamy.kz Energyprom.kz سىلتەمە جاساپ.
سالىستىرمالى تۇردە قارايتىن بولساق: وتكەن جىلدىڭ سايكەس كەزەڭىندە ءۇي شارۋاشىلىعىنىڭ شىعىندارى جان باسىنا شاققاندا 188،2 مىڭ تەڭگەنى قۇرادى، ياعني ءبىر جىلدا 6،7% كوبەيگەن.
وڭىرلەردى سالىسىتىراتىن بولساق، الماتى تۇرعىندارىنىڭ شىعىندارى ەڭ جوعارى كورسەتكىشكە يە: توقسانىنا جان باسىنا شاققاندا 319،6 مىڭ تەڭگە، ءبىر جىل بۇرىنعى كەزەڭمەن سالىستىرعاندا بىردەن 19،7%-عا ارتىق بولعان. ەكىنشى جانە ءۇشىنشى ورىنداردا قاراعاندى وبلىسى (جان باسىنا شاققاندا 275،3 مىڭ تەڭگە، جىلىنا 15% قوسىلعان) جانە استانا (266،2 مىڭ تەڭگە، 14،9% كوبەيگەن) تۇر.
ەڭ تومەنگى كورسەتكىشتەر شىمكەنتتە بايقالىپ وتىر: بار بولعانى 158،2 مىڭ تەڭگە، جىلىنا 6،7% قوسىلعان. بۇل رەسپۋبليكالىق ورتاشا كورسەتكىشتەن بىردەن 28%-عا از.
شىعىننىڭ ەڭ كوپ ءوسىمى سولتۇستىك قازاقستان وبلىسىندا بولعان – بىردەن پليۋس جىلىنا 30،1%، 245،9 مىڭ تەڭگەگە دەيىن.
حالىقتىڭ بارلىق شىعىنىن، ياعني 91،9%-ىن تۇتىنۋ شىعىندارى قۇرايدى: 201،8 مىڭ تەڭگە، ءبىر جىل بۇرىنعىدان 16%-عا ارتىق. ونىڭ ىشىندە ازىق-تۇلىك تاۋارلارىنىڭ قۇنى 109،9 مىڭ تەڭگەنى، ازىق-تۇلىك ەمەس تاۋارلارعا – 53،2 مىڭ تەڭگەنى، اقىلى قىزمەتتەرگە – 38،8 مىڭ تەڭگەنى قۇرادى.
تۋىستارىنا ماتەريالدىق كومەك كورسەتۋگە جانە اليمەنت وندىرۋگە 4،1 مىڭ تەڭگە، قارىزدى وتەۋگە 13،4 مىڭ تەڭگە، سالىق، تولەمدەر جانە باسقا دا تولەمدەرگە 437 تەڭگە جۇمسالدى.
