ارنايى پلاتفورماعا 13،4 مىڭ قازاقستاندىق تىركەلگەن.
بەس مىڭنان استام جۇمىسسىز جۇرگەن قازاقستاندىق وتكەن جىلى ونلاين رەجيمدە كۋرستان ءوتتى، دەپ حابارلايدى Almaty-akshamy.kz.
«وتكەن جىلدىڭ شىلدە ايىندا skills.enbek.kz ونلاين رەجيمدە كاسىپتىك وقىتۋ پلاتفورماسى ىسكە قوسىلعان ساتتەن باستاپ 7،4 مىڭنان استام ازامات، ونىڭ ىشىندە 5،4 مىڭ جۇمىسسىز كۋرستان وتكەنى تۋرالى سەرتيفيكات الدى. پلاتفورمادا 13،4 مىڭ قازاقستاندىق تىركەلدى»، - دەلىنگەن ەڭبەك مينيسترلىگىنىڭ باسپا ءسوز قىزمەتىنىڭ حابارلاماسىندا.
بۇل رەتتە 5،4 مىڭ جۇمىسسىز ازاماتتىڭ 2،3 مىڭى – نەگىزىنەن قىزىلوردا، باتىس قازاقستان، تۇركىستان، اتىراۋ جانە اقتوبە وبلىستارىنىڭ جاستارى.
اۆتورلار ىسكە قوسىلعان ساتتەن باستاپ پلاتفورمادا ءارتۇرلى باعىتتار بويىنشا 100-دەن استام كۋرستار جاريالاندى، ولاردىڭ 58ء-ى – تەگىن. كۋرستاردىڭ ۇزاقتىعى - 1 ساعاتتان 72 ساعاتقا دەيىن.
2021 جىلى «ۋپراۆلەنيە پەرسونالوم»، «ءسۇتتى ءىرى قارا ءوسىرۋ»، «كاسسير»، «ۆىراششيۆانيە كلۋبنيكي وت ا دو يا» جانە «ۇننان جاسالعان كونديتەر ونىمدەرى، جىكتەلۋى دايىندالۋ تەحنولوگياسى» كۋرستارى سۇرانىسقا يە بولدى
«اعىمداعى جىلدىڭ قاڭتار ايىندا ءبىز تىركەلگەن 649 پايدالانۋشى مەن سەرتيفيكات العان 110 ءبىلىم الۋشىنى الدىق. سونىمەن قاتار، جۇمىسسىز ادامداردى مەملەكەتتىك قولداۋ اياسىندا وسى جىلى ءبىز 20 مىڭ ادامدى ونلاين رەجيمدە كاسىبي وقىتۋمەن قامتۋدى جوسپارلاپ وتىرمىز»، – دەيدى «ەردو» اق پرەزيدەنتى داۋلەت ارعاندىقوۆ.
skills.enbek.kz پلاتفورماسى جالپى ەل حالقىنىڭ ءبىلىم دەڭگەيى مەن كاسىبيلىگىن ارتتىرۋعا، مانساپتىق دامۋدى ىنتالاندىرۋعا جانە «ءومىر بويى وقىتۋ» تۇجىرىمداماسىن ىلگەرىلەتۋگە باعىتتالعان.
«پلاتفورما ماركەتپلەيس – قىزمەتتەر نارىعى قاعيداتى بويىنشا ونلاين كۋرستارعا قول جەتكىزۋدى ۇسىناتىن حالىقارالىق وقىتۋ الاڭدارىنا ۇقساس قۇرىلدى. وندا كەز-كەلگەن ادام وقي الادى جانە وقۋ ناتيجەلەرى بويىنشا داعدىلاردى يگەرۋ تۋرالى سەرتيفيكات الا الادى»، – دەيدى «ەردو» اق باسقارۋشى ديرەكتورى الەكساندرا مولچانوۆسكايا.
وقۋعا تىكەلەي https://skills.enbek.kz/ سىلتەمەسى ارقىلى نەمەسە enbek.kz ەلەكتروندىق ەڭبەك بيرجاسىندا «ونلاين وقىتۋ» ءبولىمىن تاڭداۋ ارقىلى وتۋگە بولادى.
پلاتفورمادا ءبىلىم الۋشى وقىتۋدىڭ قولايلى قارقىنىن، وقىتۋ ءتىلىن جانە ماتەريالدى بەرۋدىڭ ىڭعايلى قاعيداتىن ءوز بەتىنشە تاڭدايدى. وقۋ پروسەسىندە ءبىلىم الۋشى ءوزىنىڭ وقۋ جەتىستىكتەرىنىڭ پروگرەسىن باقىلاي الادى.
وقۋ اياقتالعاننان كەيىن ءبىلىم الۋشى 70% شەكتى دەڭگەيمەن تەستىلەۋ تاپسىرۋى ءتيىس. ونلاين كۋرستى ءساتتى اياقتاعان جاعدايدا داعدىلاردى يگەرۋ تۋرالى سەرتيفيكات بەرىلەدى. كۋرستى اياقتاۋدىڭ مىندەتتى شارتى – ستۋدەنت تاراپىنان كۋرستى باعالاۋ.
بۇل سەرتيفيكات enbek.kz ەلەكتروندىق ەڭبەك بيرجاسىندا تىركەلگەن كەزدە ءبىلىم الۋشى جاساعان تۇيىندەمەدە اۆتوماتتى تۇردە كورسەتىلەدى. بوس جۇمىس ورىندارىن ىزدەۋ كەزىندە الەۋەتتى جۇمىس بەرۋشى skills.enbek.kz-تە ءساتتى وقۋدان كەيىن الىنعان سەرتيفيكاتتاردى كورەتىن بولادى.
ونلاين كۋرستاردى جاساۋشىلار پلاتفورمادا اۆتور رەتىندە تىركەلە الادى. اۆتورلار مەن ازىرلەۋشىلەر ءۇشىن پلاتفورمادا ونلاين كۋرستاردى ورنالاستىرۋ تەگىن. كۋرستاردى قۇرۋعا ارنالعان قۇرالداردى قولدانۋ وتە وڭاي.
ۇسىنىلاتىن ونلاين كۋرستاردىڭ ۇزاقتىعى 6-دان 144 ساعاتقا دەيىن. كۋرستاردا اقپاراتتى ۇسىنۋدىڭ ءارتۇرلى فورماتتارى بولۋى ءتيىس: ءماتىن، پرەزەنتاسيالار، بەينە جانە اۋديوماتەريالدار، ينفوگرافيكا جانە باسقا دا تۇرلەرى. سونداي-اق كۋرستار مەملەكەتتىك جانە ورىس تىلدەرىندە ورنالاستىرىلۋى مۇمكىن. پلاتفورما ەرەكشە قاجەتتىلىكتەرى بار ستۋدەنتتەر ءۇشىن ينتەرفەيستى بەيىمدەۋ مۇمكىندىگىن ۇسىنادى.
skills.enbek.kz پلاتفورماسىندا تىركەلۋ جانە جۇمىس ىستەۋ بويىنشا بارلىق سۇراقتار بويىنشا «ەردو» اق جاۋاپتى قىزمەتكەرلەرىمەن تومەندەگى نومىرلەر بويىنشا بايلانىسۋعا بولادى: 8 (7172) 95 43 17 (ىشكى. 877، 878).