وتكەن اپتادا قازاقستان اۋماعىندا ءۇش مىڭعا جۋىق قىلمىس جاسالدى، دەپ حابارلايدى almaty-akshamy.kz
بۇل تۋرالى ىشكى ىستەر مينيسترلىگىنىڭ ونلاين-بريفينگىندە ۆەدومستۆو وكىلى شۇعىلا تۇرلىبەك ءمالىم ەتتى.
«الدىمەن ەلدەگى كريمينوگەندىك جاعدايعا توقتالايىق. ءبىر اپتا ىشىندە 2918 قىلمىس جاسالدى، ونىڭ 1842ء-سى تاۋلىك ىشىندە اشىلدى. پوليسيا قىزمەتكەرلەرى «ءىزىن سۋىتپاي» 12 كىسى ءولتىرۋدى، 6 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 2 قاراقشىلىق، 26 توناۋ جانە 455 بوتەن مۇلىكتى ۇرلاۋ قىلمىستارىن اشتى»، - دەدى شۇعىلا تۇرلىبەك.
سونداي-اق وتكەن اپتادا ەلىمىزدىڭ ەسىرتكىگە قارسى كۇرەس قىزمەتكەرلەرى 124 ەسىرتكىگە قاتىستى قۇقىق بۇزۋشىلىق، ونىڭ ىشىندە 16 وتكىزۋ، 15 ساقتاۋ، 2 كونتراباندا، سونداي-اق 2 ءوسىرۋ فاكتىسىن انىقتاپ، 1 پريتوندى ۇيىمداستىرىپ، ۇستاۋ فاكتىسىن تىركەدى. زاڭسىز اينالىمنان شامامەن 121 كەلى ەسىرتكى، ونىڭ ىشىندە 6،5 كەلى سينتەتيكا تاركىلەنگەن.