كەربۇلاق اۋدانى پروكۋراتۋراسى ءبىلىم ءبولىمى بۋحگالتەرلەرىنىڭ بيۋدجەت قاراجاتىن جىمقىرۋ فاكتىسىن انىقتادى، دەپ حابارلايدى aqshamnews.kz.
2021-2023 جىلدار ارالىعىندا ءبىلىم ءبولىمىنىڭ ءۇش بۋحگالتەرى ءبىلىم بولىمىندە جۇمىس ىستەمەيتىن ادامدارعا زاڭسىز جالاقى مەن ەڭبەك دەمالىسى جاردەماقىسىن اۋدارعانىن انىقتادى.
كەلتىرىلگەن شىعىن 34 ملن تەڭگەنى قۇرادى.
وسى فاكتى بويىنشا وبلىس پروكۋراتۋراسى تەرگەۋ جۇرگىزىپ، ناتيجەسىندە قىلمىستىق كودەكستىڭ 190-بابىنىڭ 4-بولىگى 2-تارماعى (الاياقتىق) بويىنشا قىلمىستىق ءىس سوتقا جولداندى.
سوت ۇكىمىمەن بۋحگالتەرلەر قىلمىستىق كودەكستىڭ 63-بابى (شارتتى تۇردە سوتتاۋ) بويىنشا 5 جىل 6 اي مەرزىمگە باس بوستاندىعىنان ايىرۋ تۇرىندەگى جازا تاعايىنداۋمەن كىنالى دەپ تانىلدى، كەلتىرىلگەن زالال مەملەكەت كىرىسىنە تولىق كولەمدە وتەلدى