جاراتىلىستانۋ عىلىمىنىڭ قۇپياسى تۇڭعيىق،
كوز جەتپەيتىن مۇناراسى تىم بيىك
جاراتىلىس تۋرالى ءبىلىم بەرۋ، اسىرەسە تابيعات توسىندە، تابيعاتپەن ەتەنە ءومىر سۇرگەن ۇلى دالانى مەكەندەگەن حالىقتىڭ ۇرپاعى رەتىندە بىزدەرگە ەرەكشە جاقىن. ءبىلىم الۋشىلارعا جارتىلىستانۋ ءبىلىمىنىڭ تەرەڭدىگى مەن ماڭىزدىلىعىن ءتۇسىندىرىپ، ولاردىڭ پاندەرگە دەگەن قىزىعۋشىلىقتارىن ارتتىرۋ ماقساتىندا الماتى قالاسى، جەتىسۋ اۋدانى №177 جالپى ءبىلىم بەرەتىن مەكتەپتە «جاراتىلىستانۋ عىلىمدارىمەن بولاشاققا» تاقىرىبىندا 12-16 اقپان ارالىعىندا جاراتىلىستانۋ، حيميا، بيولوگيا، گەوگرافيا پاندەرى مۇعالىمدەرىنىڭ ۇيىمداستىرۋىمەن اپتالىق ءوتتى.
اپتالىق جوسپارى الدىن الا ۇسىنىلىپ، وتەتىن اشىق ساباقتار مەن ءىس-شارالار ۋاقىتى بەلگىلەندى. اپتالىققا وقۋشىلارمەن قاتار ۇستازدار دا بەلسەنە قاتىستى. مىسالى احمەتحانوۆا ينديرانىڭ «ەنەرگيا تۇرلەرى مەن كوزدەرى» تاقىرىبىنداعى اشىق ساباعى جاڭاشىلدىققا تۇنعان ساباق بولدى. حيميا ءپانىنىڭ ءمۇعالىمى نۇرعوجايەۆا ارداق 10-سىنىپتاعى «گومولوگتىق قاتار. اليفاتتى قوسىلىستاردىڭ IUPAC نومەنكلاتۋراسى» ساباعىندا قىزىقتى ويىنداردى ءتيىمدى قولدانا وتىرىپ، وقۋشىلاردى ساباققا قىزىقتىرا ءبىلدى. بيولوگيا ءپانىنىڭ ءمۇعالىمى نارتبايەۆا ا. ءوز ساباعىندا "spinthewheel.io"؛ "mentimeter" سيفرلى پلاتفورمالارىن قولدانۋ ارقىلى ساباق ماقساتىنا جەتە ءبىلدى. گەوگرافيا ءپانى ءمۇعالىمى سارسەنوۆا اينۇر «تابيعي-اۋماقتىق كەشەندەردىڭ تۇرلەرى» تاقىرىبىنداعى ساباعىندا وقۋشىلارعا جۇپتىق، توپتىق جۇمىستار ورىنداتىپ، ءوزىنىڭ جوعارى دەڭگەيدەگى ءبىلىمى مەن بالالاردىڭ ىزدەنىمپازدىعىن بايقاتتى. حيميا ءپانىنىڭ ءمۇعالىمى ابىلحانوۆا الميرا «حيميالىق ەلەمەنتتەردىڭ تابيعي توپتارى» تاقىرىبىنداعى اشىق ساباعىندا وقۋشىلار ساباققا بەلسەندى قاتىستى، ۇستاز ءوز ءبىلىمىن تەرەڭ جەتكىزە الدى. گەوگرافيا ءپانىنىڭ ءمۇعالىمى اليمبايەۆا گۋلزينات «دەموگرافيالىق ساياسات» تاقىرىبىنداعى اشىق ساباعىندا ءمۇعالىمنىڭ بىلىكتىلىگى مەن بىلىمدىلىگىن بايقادىق. سونىمەن قاتار ۇستازدار بايباتشانوۆا ا.، احمەتوۆا س، جيدەبايەۆا ا. ساباقتارىندا قولدانعان ادىس-تاسىلدەرى جوعارى دەڭگەيدە باعالاندى. جوعارىدا اتالعان ۇستازدارىمىز اشىق ساباقتارىمەن قوسا، سىنىپتان تىس ءىس-شارالار مەن كوڭىلدى ۇزىلىستەردى ۇيىمداستىردى. بارلىق ءىس-شارالار جوعارى دەڭگەيدە، جاۋاپكەرشىلىكپەن ءوتتى.
جۇڭگو فيلوسوفى كونفۋسيي «ماعان ايتىپ بەرسەڭ – ۇمىتىپ قالامىن، كورسەتسەڭ – ەستە ساقتايمىن، وزىمە جاساتساڭ – ۇيرەنەمىن» دەگەندەي سىنىپتان تىس وتكەن شارادا وقۋشى وقۋ جۇيەسىن ءتۇسىنىپ، قابىلدادى، ىس-ارەكەتكە بەلسەندى قاتىستى.
قورىتىندىلاي كەلە ايتارىم «جاراتىلىستانۋ» ءپانىن وقۋ بارىسىندا وقۋشىلاردىڭ بويىندا باقىلاۋ ءادىسى، زەرتتەۋدى جوسپارلاۋ، دەرەكتەردى الۋ جانە ۇسىنۋ داعدىلارى داميدى. جاراتىلىستانۋ ءپانىن وقىتۋ ارقىلى جاھاندانۋ داۋىرىندە جاستاردان عىلىمي تۇرعىدا ويلايتىن ءوي-ورىسى جوعارى، ىزدەنىمپاز تۇلعا تاربيەلەيمىز.
نىگىزبايەۆا راۋشان، الماتى قالاسى، جەتىسۋ اۋدانى №177 جالپى ءبىلىم بەرەتىن مەكتەپتىڭ بيولوگيا ءپانى ءمۇعالىمى