«ادىلەتتى قازاقستاننىڭ» نەگىزگى تۇجىرىمداماسى – ۇلتتىق بايلىق ءادىل ءبولىنۋى ءتيىس. زاڭ الدىندا بارلىعى بىردەي جانە كونستيتۋسيانىڭ ۇستەمدىگى قامتاماسىز ەتىلەدى. ءاربىر ازاماتتىڭ تەڭ مۇمكىندىكتەرى بار، ەكونوميكا اركىمنىڭ جانە بارلىق جەردە ءال-اۋقاتى ءۇشىن جاعداي جاسايدى. كاسىبي جانە جيناقى مەملەكەتتىك اپپارات ءوز حالقىنا قىزمەت ەتەدى. سونداي-اق، ۇلتتىق مۇددەلەر حالىقارالىق ارەنادا قورعالادى، قاۋىپسىزدىك جانە باسقا دا ماڭىزدى اسپەكتىلەر قامتاماسىز ەتىلەدى.
ەل پرەزيدەنتى ق.توقايەۆتىڭ باستاماسىمەن قولعا الىنىپ وتىرعان ادىلەتتى قازاقستان جوباسىنىڭ حالىققا بەرەرى مول، ماڭىزى زور. سوڭعى جىلداردا حالىقتىڭ ءالاۋقاتىن كوتەرۋگە باعىتتالعان باعدارلامالار: جاعدايى جوق وتباسىلارعا بەرىلەتىن قارجى كولەمىنىڭ ارتۋى، زەينەتكەرلەردىڭ زەينەتاقىسىن ۇلعايتۋ، كارانتين كەزەڭدەرىندە حالىققا تولەنگەن قارجىلاي كومەك، از قامتىلعان وتباسىلار مەن كوپبالالى وتباسىلارعا ءبىر رەتتىك كرەديتتىك امنيستيا، ستۋدەنتتەردىڭ شاكىرتاقىسىن ارتتىرۋ، ۇستازداردىڭ ايلىعىن كوبەيتۋ سەكىلدى يگى ءىس-شارالار اتقارىلىپ كەلەدى.
2024 جىلدان باستاپ 18-گە تولماعان ءاربىر قازاقستاندىققا دەربەس شوت اشىلىپ، ونىڭ قورىنا قارجىلاي كومەك اۋدارۋ جوسپارلانىپ وتىر. ودان باسقا دا ۇكىمەتتىڭ قايتا جاساقتالۋى، حالىقتىڭ مۇددەسىن ويلايتىن باسشىلاردىڭ كەلۋى، جاڭا دەپۋتاتتاردىڭ جاساقتالۋى، حالىقارالىق قارىم-قاتىناستاردى وڭ باعىتتا رەتتەۋ، ەلدە بەيبىتشىلىك پەن تاتۋلىقتى ساقتاۋ ماقساتىندا حالىقارالىق كەزدەسۋلەر، كەلىسسوزدەر جۇرگىزۋ سياقتى مەملەكەت باسشىسىنىڭ تاراپىنان جۇزەگە اسىرىلىپ جاتقان ىستەر از ەمەس.
ەلدەگى ەكونوميكالىق جاعدايدىڭ ارتۋى مەن ەل بولاشاعى تەك قانا باسشىلىقتىڭ قۇزىرەتىندەگى ماسەلە ەمەس، حالىقتىڭ بىرلىگى مەن ىنتىماعىن ساقتاۋ – ءاربىر ازاماتتىڭ بورىشى. مەملەكەت تاراپىنان بەرىلىپ جاتقان ءبىلىم گرانتتارى مەن باسقا قارجىلاي گرانتتار ەل بولاشاعىنا جاسالعان ينۆەستيسيا، ەلدىڭ جارقىن بولاشاعىنىڭ كەپىلى. مىنە، و سى ات المىش ءىس-شارالاردىڭ جولعا قويىلۋى – ادىلەتتى قازاقستاندى قۇرۋدىڭ باستى قادامدارىنىڭ ءبىرى. وسىنداي يگى ىس-شارالارمەن قاتار، حالىقتىڭ رۋحاني دامۋ مەن ىشكى جانە سىرتقى مادەنيەتكە نازار اۋدارۋى، بىلىمدىلىككە ۇمتىلۋى ەلدىڭ ءال-اۋقاتىن ارتتىراتىن بولادى.
تابىستى بولۋدىڭ ەڭ ىرگەلى، باستى فاكتورى ءبىلىم ەكەنىن اركىم تەرەڭ ءتۇسىنۋى كەرەك. جاستارىمىز باسىمدىق بەرەتىن مەجەلەردىڭ قاتارىندا ءبىلىم ءاردايىم ءبىرىنشى ورىندا تۇرۋى شارت. سەبەبى، قۇندىلىقتار جۇيەسىندە ءبىلىمدى بارىنەن بيىك قوياتىن ۇلت قانا تابىسقا جەتەدى ەلىمىزدىڭ الەۋەتىنىڭ كوتەرىلىپ، حالىقتىڭ جاعدايىنىڭ ارتۋى بولاشاق ءۇشىن ماڭىزدى ءرول اتقارادى. ادىلەتتى قازاقستاننىڭ كوركەيۋىنە ءوز ۇلەسىمىزدى قوسۋ – سانالى ۇرپاقتاردىڭ مىندەتى.
ادىلەتتى قوعامنىڭ پاراساتتى ۇرپاقتارىنىڭ جارقىن بولاشاعىنا شىنايى سەنەمىز. ەلىمىز كوركەيە بەرسىن، الار اسۋلارىمىز كوپ بولسىن!