ەكى كۇنگە جالعاساتىن پانەلدىك جانە سەكسيوندىق سەسسيادا پەداگوگتەر مەكتەپكە دەيىنگى، ورتا، تەحنيكالىق، كاسىبي، قوسىمشا، ينكليۋزيۆتى ءبىلىم بەرۋ، بالالاردىڭ قۇقىعىن قورعاۋ جانە ساپالى بىلىممەن قامتاماسىز ەتۋگە قاتىستى وزەكتى ماسەلەلەردى تالقىلايدى.
24-25 تامىز ارالىعىندا ەلدىڭ 20 ءوڭىرى بويىنشا ءبىلىم قىزمەتكەرلەرىنىڭ رەسپۋبليكالىق «ادىلەتتى قازاقستان: ساپالى ءبىلىم، ادال ۇرپاق، تابىستى ۇلت» اتتى تامىز كەڭەسى وتەدى، دەپ حابارلايدى Almaty-akshamy.kz ق ر وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
24 تامىزدا وڭىرلەردە ءوز تاقىرىپتىق باعىتتارىنا سايكەس سەكسيوندىق وتىرىستار وتەدى:
• مەكتەپكە دەيىنگى وقىتۋ – قىزىلوردا وبلىسى؛
• اۋىل مەكتەبى – اكتوبە وبلىسى؛
• وقۋعا قۇشتار ۇلت –اباي وبلىسى؛
• ينكليۋزيۆتىك جانە ارنايى ءبىلىم – قوستاناي وبلىسى؛
• پەداگوگ ماماندارى – سولتۇستىك-قازاقستان وبلىسى؛
• دارىندى بالالار - ۇلت ماقتانىشى –ۇلىتاۋ وبلىسى؛
• ءبىلىم بەرۋ تەحنولوگيالارى – الماتى وبلىسى؛
• بالالاردىڭ دەمالۋى مەن ساۋىعۋى – اكمولا وبلىسى؛
• جايلى جاعداي قالىپتاستىرۋ – استانا قالاسى؛
• بالالاردى قولداۋدىڭ تەڭ مۇمكىندىگىن قالىپتاستىرۋ – قاراعاندى وبلىسى؛
• مەكتەپتە دۇرىس تاماقتانۋدى ۇيىمداستىرۋ – الماتى قالاسى؛
• قوسىمشا ءبىلىم بەرۋ – شىعىس-قازاقستان وبلىسى؛
• ۇلتتىق قۇندىلىقتار نەگىزىندەگى تاربيە – تۇركىستان وبلىسى؛
• ءبىلىم بەرۋ سالاسىندا ءقاۋىپسىز ورتانى قالىپتاستىرۋ – اتىراۋ وبلىسى؛
• تەحنيكالىق جانە كاسىپتىك ءبىلىم بەرۋ – پاۆلودار وبلىسى؛
• ءبىلىم مازمۇنىن جاقسارتۋ ارقىلى ساپانى ارتتىرۋ – ماڭعىستاۋ وبلىسى؛
• ءبىلىم سالاسىنداعى باقىلاۋ جانە باعالاۋ – جامبىل وبلىسى؛
• قارجىلىق-قۇقىقتىق ءتارتىپ – جەتىسۋ وبلىسى؛
• ءبىلىم سالاسىنداعى مەنەدجمەنت – باتىس-قازاقستان وبلىسى؛
• ءبىلىم سالاسىن ساندىق جۇيەگە كوشىرۋ – شىمكەنت قالاسى.
25 تامىزدا 20 ءوڭىردىڭ قاتىسۋىمەن ءبىرىڭعاي رەسپۋبليكالىق پلەنارلىق سەسسيا ونلاين رەجيمدە وتەدى. وعان ءبىلىم بەرۋ جۇيەسىنىڭ 12 مىڭ قىزمەتكەرى قاتىسادى. فورۋمنىڭ پلەنارلىق سەسسيالارى مينيسترلىكتىڭ، وبلىستىق ءبىلىم باسقارمالارىنىڭ، ۆەدومستۆولىق باعىنىستى ۇيىمداردىڭ Facebook، Instagram جانە YouTube رەسمي پاراقشالارىندا تاراتىلادى.