تالاپكەرلەردىڭ 65%-ى شەكتى بالل جينادى
جالپى تەستىلەۋگە قاتىسۋعا 105 مىڭعا جۋىق ءوتىنىش كەلىپ ءتۇستى، ونىڭ جارتىسىنان كوبى ۇبت تاپسىرىپ ۇلگەردى. تەست تاپسىرعانداردىڭ 74،2%-ى قازاق ءتىلىن، 25،6%-ى ورىس ءتىلىن، 0،2%-ى اعىلشىن ءتىلىن تاڭداعان، دەپ حابارلايدى Almaty-akshamy.kz.
ۇلتتىق تەستىلەۋ ورتالىعىنىڭ مالىمەتىنشە، تالاپكەرلەردىڭ 65%-ى شەكتى بالل جينادى.
ورتاشا بالل 65 بالدى قۇرادى، ەڭ جوعارى بالل – 134.28 قاتىسۋشىنىڭ ناتيجەسى 130 بالدان استى.
تەستىلەۋگە قاتىسۋعا 105 مىڭعا جۋىق ءوتىنىش كەلىپ ءتۇستى، ونىڭ جارتىسىنان كوبى ۇبت تاپسىرىپ ۇلگەردى. 74،2%-ى قازاق تىلىندە، 25،6%-ى ورىس تىلىندە، 2%-ى اعىلشىن تىلىندە تەستىلەۋدەن ءوتتى.
ناۋرىز ايىنداعى ۇبت-عا ەرەكشە ءبىلىم بەرۋدى قاجەت ەتەتىن 130 بالا قاتىستى. 2022 جىلدان باستاپ ەرەكشە قاجەتتىلىكتەرى بار تۇلەكتەرگە تەستىلەۋ تاپسىرمالارىن ورىنداۋ ءۇشىن نەگىزگى 240 مينۋتتان بولەك، تاعى قوسىمشا 40 مينۋت ۋاقىت بەرىلەدى.
«ەڭ كوپ تاڭدالعان بەيىندىك پاندەر كومبيناسيالارى وزگەرمەدى. ولار: «ماتەماتيكا-فيزيكا» (25%)، «حيميا-بيولوگيا» (17%). ەڭ از تاڭدالاتىن كومبيناسيا «حيميا-فيزيكا» (0،13%). بۇل پاندەردى تاپسىرىپ «حيميالىق ينجەنەريا جانە پروسەستەر» ءبىلىم بەرۋ باعدارلاماسىن تاڭداۋعا بولادى»،-دەلىنگەن حابارلامادا.
63 ادام - سمارتفونداردى، شپارگالكالاردى جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەستىلەۋدەن ءوتۋ مۇمكىندىگىنەن ايىرىلدى.135 ادام - تەستىلەۋ كەزىندە ەرەجەلەردى بۇزعانى ءۇشىن اۋديتوريادان شىعارىلدى، ولاردىڭ ناتيجەلەرى جويىلدى.
تەستىلەنۋشىلەر تەلەفونداردى، قۇلاققاپتاردى، سمارت-ساعاتتاردى، شپارگالكالاردى جانە كالكۋلياتورلاردى الىپ كىرمەكشى بولعان. كالكۋلياتور، مەندەلەيەۆ جانە تۇزداردىڭ ەرىگىشتىك كەستەلەرى كومپيۋتەرگە جۇكتەلگەندىگىن قايتادان ەستەرىڭىزگە سالا كەتەيىن.