ءتۇرلى كونكۋرس جانە وليمپيادا جەڭىمپازدارىنا 4 ملن تەڭگەگە دەيىن سىياقى بەرىلەدى.
حالىقارالىق بايقاۋلار مەن ءپان وليمپيادالارىندا جەڭگەن بالالارعا 4 ملن تەڭگەگە دەيىن ءبىر رەتتىك تولەم جاسالادى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل زاڭعا پرەزيدەنت قول قويۋى قاجەت. پرەزيدەنت قول قويسا، دەرەۋ ىسكە اسادى. بيىلعى جىلى حالىقارالىق دودالاردىڭ، ولمپيادالاردىڭ جەڭىمپازدارى بولسا، وسى مۇمكىندىككە يە بولادى. ياعني، ءبىر رەتتىك تولەمدەر 4 ميلليون تەڭگەگە دەيىن جەتەدى، ەكىنشىدەن، ولاردىڭ تالىمگەرلەرىنە بەرىلەتىن قارجى بار، ۇشىنشىدەن، وسى بالالارعا ارنايى گرانتتار بەرۋ ماسەلەسى قارالدى»، - دەدى اسحات ايماعامبەتوۆ سەناتتا تىلشىلەرگە بەرگەن سۇحباتىندا.
ءمينيستردىڭ ايتۋىنشا، تەك قانا وليمپيادا قاتىسۋشىلارىنا عانا ەمەس، ءتۇرلى شىعارماشىلىق، دۇنيەجۇزىلىك كونكۋرستاردىڭ جەڭىمپازدارىنا دا گرانت بەرۋ ماسەلەسى قاراستىرىلىپ وتىر.