ءبيبىسارا اساۋبايەۆا ءۇندىستانداعى تۋرنيردە ءتورتىنشى مارتە جەڭىسكە جەتتى

وسى جەڭىستەن كەيىن ول ءتۋرنيردىڭ كوشباسشىلار تىزىمىنە قايتا ورالدى.

قازاقستاندىق شاحماتشى ءبيبىسارا اساۋبايەۆا ءۇندىستان استاناسى نيۋ-دەلي قالاسىندا ءوتىپ جاتقان گران-پري ءتۋرنيرىنىڭ ءۇشىنشى كەزەڭىندە ءتورتىنشى جەڭىسىنە قول جەتكىزدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.

اتالعان جەڭىسىنەن كەيىن ول ءتۋرنيردىڭ كوشباسشىلار تىزىمىنە قايتا ورالدى.

جارىستىڭ التىنشى كەزەڭىندە ءبيبىسارا اساۋبايەۆا رەسەيلىك بەلگىلى شاحماتشى پولينا شۋۆالوۆادان باسىم ءتۇستى. بۇل – قازاقستاندىق سپورتشىنىڭ اتالعان تۋرنيردەگى ءتورتىنشى جەڭىسى. وسىلايشا، 4 بالعا يە بولعان ول تۋرنير كەستەسىندە ءبىرىنشى ورىندا كەلە جاتقان چجۋ سزينەرگە جەتتى. قىتايلىق شاحماتشى ازىرگە بىردە-بىر ۇپاي جوعالتقان جوق.

ءبيبىسارا اساۋبايەۆا بۇگىن، 1 ساۋىردە ءۇندىستاندىق تاجىريبەلى شاحماتشى حامپي كونەرۋمەن شەبەرلىك بايقاسادى. قارسىلاسى بۇدان بۇرىن ازيا چەمپيونى اتانعان.

وسى تۋرنيردە ءبيبىسارا اساۋبايەۆا ءبىر مارتە جەڭىلىپ، رەسەيلىك الەكساندرا گورياچكيناعا ەسە جىبەرىپ قويدى. ال، نينو باتسياشۆيلي (گرۋزيا)، رامەشبابۋ ۆايشالي مەن حاريكوي درونوۆاللي (ەكەۋى دە – ءۇندىستان) سىندى قارسىلاستارىنان باسىم ءتۇستى.

ەسكە سالساق، ءساۋىر ايىندا استانادا شاحماتتان الەم چەمپيوناتى وتەدى.