الماتى وبلىسىندا تۇرمەدە جازاسىن وتەۋشى الاياقتىقپەن اينالىسقان

تۇرمەدە وتىرعان ازامات ينتەرنەت ارقىلى 3 جىل بويى الاياقتىقپەن اينالىسقان.  

الماتى وبلىسىنىڭ پروكۋراتۋراسى №12 تۇزەۋ مەكەمەسىندە جازاسىن وتەۋشىنىڭ ينتەرنەت ارقىلى الاياقتىق جاساۋمەن اينالىسقاندىعىن انىقتادى. بۇل تۋرالى اlmaty-akshamy.kz الماتى وبلىسىنىڭ پروكۋراتۋراسىنا سىلتەمە جاساپ حابارلايدى.

ول 2020 جىلدىڭ ماۋسىم ايىنان 2023 جىلدىڭ قاڭتار ايىنا دەيىن تۇزەۋ مەكەمەسى جاعدايىندا ۇيالى تەلەفوندار مەن ۇيالى وپەراتورلاردىڭ ءتۇرلى سيم-كارتالارىن پايدالانۋ ارقىلى 25 ملن تەڭگەدەن استام سوماعا 200-گە جۋىق الاياقتىق جاساعان.

مامانداندىرىلعان پروكۋراتۋرا بۇل دەرەكتى 2 ناۋرىزدا ق ر قك 4-تارماعىنىڭ 190-بابى 3-بولىگى («الاياقتىق») بويىنشا كوزدەلگەن قۇقىق بۇزۋشىلىق قۇرامى بەلگىلەرى بويىنشا تىركەپ، قونايەۆ قالاسى پب تەرگەۋ بولىمشەسىنە بەردى.

تەرگەۋ ءىس-قيمىلدارىن جۇرگىزۋ بارىسىندا سوتتالعاننان 2 ۇيالى تەلەفون جانە 41 سيم-كارتا تاركىلەندى. ول وسى ارقىلى ۆاتساپپەن قوڭىراۋ شالىپ، حات جازىپ وتىرعان.

قازىرگى ۋاقىتتا سوتتالعاندار جاساعان باسقا دا قۇقىق بۇزۋشىلىقتاردى انىقتاۋ ءۇشىن وبلىستا جانە وزگە وڭىرلەرىنە قاتىستى دەرەكتەر بازاسىنا مونيتورينگ جۇرگىزىلىپ جاتىر.

تۇزەۋ مەكەمەسى قىزمەتكەرلەرىنىڭ ارەكەتسىزدىك فاكتىلەرى ق ر قك 370-بابىنىڭ 2-بولىگى («قىزمەت بويىنشا ارەكەتسىزدىك») بويىنشا تىركەلىپ، الماتى وبلىسى سىبايلاس جەمقورلىققا قارسى قىزمەت دەپارتامەنتىنە جولداندى.