چەمپيوناتتىڭ جۇلدە قورى - 66 000 اقش دوللارى.
قازاق شاحماتشىسى، ايەلدەر اراسىنداعى حالىقارالىق گروسسمەيستەر ءبيبىسارا اساۋبايەۆا جىلدام شاحماتتان ايەلدەر چەمپيوناتىنا (Women's Speed Chess Championship) جولداما الدى، دەپ حابارلايدى Almaty-akshamy.kz مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
جىلدام شاحماتتان الەم چەمپيوناتى - ىلعي مىقتىلار قاتىساتىن جانە ونلاين فورماتتا وتەتىن وسى جىلدىڭ باستى باسەكەسى.
28 مامىردا باستالعان ىرىكتەۋ كەزەڭى 6 ماۋسىمعا دەيىن جالعاسادى. ال نەگىزگى باسەكە 10 ماۋسىمدا باستالىپ، 3 شىلدەدە اياقتالادى. چەمپيوناتتىڭ جۇلدە قورى 66 000 اقش دوللارى.
IM ءبيبىسارا اساۋبايەۆا ءوزىنىڭ قايسارلىعى مەن جىگەرىنىڭ ارقاسىندا ءۇشىنشى مۇمكىندىگىندە جولداماعا يە بولدى. وتانداسىمىز الدىڭعى چەمپيوناتتاردا پلەي-وففتان ارى اسا الماعان.
ءار ىرىكتەۋ كەزەڭى 21 اينالىمنان تۇراتىن شۆەيساريالىق جۇيە بويىنشا (ۋاقىتتى باقىلاۋ 1+1) جانە سەگىز جەڭىمپازدىڭ اراسىندا وتەتىن نوكاۋتتان تۇرادى. كەلەسى ىرىكتەۋ جارىسى بۇگىن، 3 ماۋسىمدا، وتەدى.
ايتا كەتەيىك، چەمپيونات 16 شاحماتشىنىڭ اراسىندا وتەدى. ەرتەرەك جولداما العان سەگىز شاحماتشى ارنايى شاقىرىلعان سەگىز ويىنشىمەن كەزدەسەدى. شاقىرتۋ العاندار: GM حامپي كونەرۋ (ءۇندىستان)، GM الەكساندرا كوستەنيۋك (رەسەي)، GM انتوانەتا ستەفانوۆا (بولگاريا)، GM اننا مۋزىچۋك (ۋكراينا)، GM يرينا كرۋش (اقش)، GM كاتەرينا لاگنو (رەسەي)، GM لەي تينسزە (جۇڭگو).
جانكۇيەرلەر فيدە ايەلدەر چەمپيوناتىن، Chess.com/TV جانە Twitch Chess.com. ارناسىنان ساراپشىلاردىڭ تۇسىندىرمەسى ارقىلى تاماشالاي الادى.
