قازاقستان مەن تۇركيا قوسىمشا ترانزيتتىك رۇقسات بلانكىلەرىن بولۋگە كەلىستى
2021 جىلعى 2 ماۋسىمدا ق ر يندۋستريا جانە ينفراقۇرىلىمدىق دامۋ ۆيسە-مينيسترى بەرىك كامالييەۆ تۇركيانىڭ كولىك جانە ينفراقۇرىلىم ءمينيسترىنىڭ ورىنباسارى سەليم دۋرسۋنمەن ۆيدەوبايلانىس فورماتىندا كەلىسسوزدەرى ءوتتى، دەپ حابارلايدى Almaty-akshamy.kz ق ر ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمەلەپ.
كەلىسسوزدەر بارىسىندا جۇكتەردىڭ اۆتوموبيل كولىگىمەن تاسىمالدارى سالاسىنداعى ەكىجاقتى ىنتىماقتاستىقتىڭ وزەكتى ماسەلەلەرى، اتاپ ايتقاندا، رۇقسات بلانكىلەرىمەن الماسۋ ماسەلەلەرى تالقىلاندى. قازاقستان تاراپى جۇكتەردىڭ توقتاۋسىز تاسىمالدارىن قامتاماسىز ەتۋ ءۇشىن امبەباپ رۇقسات بلانكىلەرى قولدانۋدى ۇسىندى جانە وسى رۇقساتتار قازاقستان اۋماعى ارقىلى جۇكتەردىڭ ترانزيتتىك تاسىمالدارىنا قولدانىلا الادى.
كەلىسسوزدەر ناتيجەسى بويىنشا تاراپتار 2021 جىلعا تۇرىك تاراپىنا قوسىمشا 7000 ترانزيتتىك رۇقسات بلانكىلەرىن بەرۋ بويىنشا كەلىسىمگە كەلدى جانە سونىڭ ىشىندە 5000 رۇقسات قازاقستاننىڭ پورتتارى ارقىلى تاسىمالدارعا، ال 2000 رۇقسات قۇرلىقتاعى وتكىزۋ پۋنكتتەرى ارقىلى تاسىمالدارعا ارنالادى.
سونىمەن بىرگە قازاقستان تاراپى ءوزارا ءتيىمدى نەگىزدە تاسىمالداردى جۇزەگە اسىرۋ مەحانيزمىن ازىرلەۋ جانە تالقىلاۋ ماقساتىندا قازاقستان مەن تۇركيا تاسىمالداۋشىلارى اسسوسياسيالارى وكىلدەرىنىڭ اراسىندا كەلىسسوزدەر وتكىزۋدى ۇسىندى.