جەرلەسىمىز ءۇشىن تاماشا ناتيجە
قازاقستاننىڭ شاحماتتان ەكى دۇركىن الەم چەمپيونى ءبيبىسارا اساۋبايەۆا نيۋ-دەليدەگى ايەلدەر اراسىنداعى گران-پريدىڭ ءۇشىنشى كەزەڭىن اياقتادى. قازاقستان شاحماتشىسى تۋرنير قورىتىندىسى بويىنشا جۇلدەگەرلەر تىزىمىنە ەندى، دەپ حابارلايدى Almaty-akshamy.kz Zakon.kz-كە سىلتەمە جاساپ.
جارىستىڭ سوڭعى كۇنى ءبيبىسارا اساۋبايەۆا اتاقتى رەسەيلىك شاحماتشى كاتەرينا لاگنومەن اق تاستارمەن ويناپ، تەڭ ءتۇستى. وسىلايشا ىقتيمال 9 ۇپايدىڭ التاۋىن العان ول ءۇندىستان گران-پريىندە ءۇش قاتىسۋشىدان تۇراتىن جۇلدەلى ورىنعا يە بولدى، دەپ حابارلايدى ءتۋرنيردىڭ رەسمي سايتى. بۇل - 19 جاستاعى جەرلەسىمىز ءۇشىن تاماشا ناتيجە.
سونداي-اق، وسى بەدەلدى جارىستاردىڭ جۇلدەگەرلەرىنىڭ قاتارىندا قىتايلىق چجۋ سزينەر مەن الەكساندرا گورياچكينا (رەسەي) دا بار، ولاردىڭ ەنشىسىندە دە 6 باللدان. 11-تۋردا ءتۋرنيردىڭ بارلىق كوشباسشىسى تەڭ ءتۇستى: چجۋ گرۋزين شاحماتشىسى نينو ءباتسياشۆيليدى جەڭە المادى، ال گورياچكينا حامپي كونەرۋمەن (ءۇندىستان) تەڭ ءتۇستى.
گران-پريدىڭ 3-كەزەڭى ۇيىمداستىرۋشىلار تاراپىنان كەيبىر پروبلەمالار مەن قاتەلىكتەردەن باستالدى، ناتيجەسىندە جانسايا ابدىمالىك پەن ەليزابەت پەتس (گەرمانيا) تۋرنيردەن تىس قالدى.