گران-پريدىڭ شەشۋشى 4-كەزەڭى كيپردا وتەدى
قازاقستاندىق شاحماتشى ءبيبىسارا اساۋبايەۆا نيۋ-دەليدە ءوتىپ جاتقان ايەلدەر اراسىنداعى FIDE گران-پريىنىڭ ءۇشىنشى ەزەڭىندە 2-ورىن الدى، دەپ حابارايدى Almaty-akshamy.kz قازاقپاراتقا سىلتەمە جاساپ.
مادەنيەت جانە سپورت مينيسترلىگىنە قاراستى سپورتتى دامىتۋ ديرەكسياسىنىڭ مالىمەتىنشە، ءبيبىسارا شەشۋشى - 11-تۋردا كاتەرينا لاگنومەن تەڭ ءتۇسىپ، 6 ۇپاي جينادى.
ايتا كەتەيىك، بۇگىن قىتايلىق چجۋ سزينەر مەن رەسەيلىك الەكساندرا گورياچكينا دا تەڭ ويناپ، 6 ۇپاي ەنشىلەگەن ەدى. وسىلايشا، ءۇش شاحماتشى بالل سانى بويىنشا تەڭ ءتۇستى. بۇل رەتتە ءبيبىسارا اساۋبايەۆا جەكەلەگەن كورسەتكىش بويىنشا 2-ورىن السا، رەسەيلىك گروسسمەيستەر الەكساندرا گورياچكينا تاي-برەيكتە جەڭىسكە جەتتى.
بىردەي ۇپاي جيناعان 3 ويىنشى 37 مىڭ ەۋرو سىياقى مەن 400 ۇپايدى بىردەي بولىسەدى.
ەسكە سالا كەتەيىك، گران-پريدىڭ شەشۋشى - 4-كەزەڭى كيپر استاناسى نيكوسيادا 15-28 مامىر كۇندەرى وتەدى. وتانداسىمىز ءبيبىسارا اساۋبايەۆا وسى كەزەڭگە شاقىرتۋ العان 12 شاحماتشىنىڭ قاتارىندا.