"بۇزاقىلىق" بويىنشا قىلمىستىق ءىس تىركەلدى
پوليسەيلەر شەلەك اۋىلىنداعى اۋرۋحاناعا شابۋىل جاسادى دەگەن كۇدىكتىلەردى ۇستادى، دەپ حابارلايدى Almaty-akshamy.kz.
21 ناۋرىز كۇنى ساعات 16:00-دە ەڭبەكشىقازاق اۋدانىنىڭ پوليسيا بولىمىنە شەلەك اۋىلىنىڭ اۋرۋحاناسىنان 1986 جىلعى ا. ەسىمدى ازاماتتىڭ دەنە جاراقاتتارىمەن حيرۋرگيالىق بولىمگە جەتكىزىلگەنى تۋرالى حابارلاما كەلىپ ءتۇستى.
سول كۇنى شەلەك اۋىلى پب سدتبت-دا ق ر قك 293-بابىنىڭ 3-بولىگى "بۇزاقىلىق" بويىنشا قىلمىستىق ءىس تىركەلدى.
"تەرگەۋ بارىسىندا زارداپ شەككەن ادام مەن 1988 جىلعى ي. ەسىمدى ازامات اراسىندا ناۋرىز مەرەكەسى وتكەن اۋىلدىڭ شەتىندە اۋىزشا جانجال تۋىپ، توبەلەسكە ۇلاسقان، سوڭعىسى دەنساۋلىققا زيان كەلتىرۋ ءۇشىن ارنايى بەيىمدەلگەن زاتتى پايدالانىپ، ا. ەسىمدى ازاماتقا دەنە جاراقاتىن سالعان"، - دەلىنگەن حابارلامادا.
21 ناۋرىز كۇنى ازامات ا. ەمدەلىپ جاتقان مەديسينالىق مەكەمەدە ورىن العان 1990، 1994، 1996 جانە 1997 جىلعى ءتورت ادامنىڭ زاڭسىز ارەكەتتەرى ۆيدەوعا تۇسىرىلگەن.
جوعارىدا اتالعان ادامدار مەن قىلمىستىڭ نەگىزگى فيگۋرانتى ۇستالىپ، قاماققا الىندى. ءقازىر جابىرلەنۋشىگە قاتىستى سوت-مەديسينالىق ساراپتاما تاعايىندالدى. تەرگەۋ ورگانى ءىستىڭ بارلىق ءمان-جايىن انىقتاۋ ءۇشىن تەرگەۋ جۇرگىزىپ جاتىر.