بەس جاسار بالا بەس ادامدى قاعىپ كەتتى

دەنساۋلىق ساقتاۋ باسقارماسىنىڭ حابارلاۋىنشا، 5 ادام زارداپ شەكتى.

جەزقازعاندا 5 جاسار بالا ءوتىپ بارا جاتقان 5 ادامدى كولىكپەن قاعىپ كەتتى، دەپ اlmaty-akshamy.kz qumash_kz پاراقشاسىنا سىلتەمە جاساپ حابارلايدى.

وقيعا «گراند پالاس» رەستوراننىڭ جانىندا بولعان كورىنەدى. كولىك تىزگىنىنە وتىرعان 5 جاسار بالا كولىكتى قول تەجەگىشىنەن الىپ تاستاعان. سالدارىنان كولىك ارتقا ءجۇرىپ كەتىپ، 5 جاياۋ جۇرگىنشىنى قاعىپ كەتكەن.

«اتالعان فاكتى پوليسيادا تىركەلدى. جكو سالدارىنان كوز جۇمعاندار جوق. وسىعان قاراماستان، ءتۇرلى دەنە جاراقاتتارىن العان 4 جاياۋ جۇرگىنشى اۋرۋحاناعا جاتقىزىلدى. ءتيىستى ساراپتامالار تاعايىندالدى»، - دەپ مالىمدەدى ۇلىتاۋ وبلىستىق پد باسپا ءسوز قىزمەتىنەن.

دەنساۋلىق ساقتاۋ باسقارماسىنىڭ حابارلاۋىنشا، 5 ادام زارداپ شەكتى. ءبارى ءتىرى. ىشكى اعزالاردىڭ ءتۇرلى جاراقاتتارى بار ءۇش ايەل ادام امبۋلاتوريالىق-ەمحانالىق ەمدەۋدە، ال ءتورت قابىرعاسى سىنعان ەر ادام تراۆماتولوگيا بولىمىنە جاتقىزىلدى.

سونىمەن قاتار، زارداپ شەككەندەردىڭ اراسىندا بالا بار، ول باس جاراقاتىمەن اۋرۋحاناعا جەتكىزىلدى. ءبىراق دەنساۋلىق ساقتاۋ باسقارماسىندا بۇل كولىكتە بولعان بالا ما، جوق پا، ونى ايتپادى.