بەرليننىڭ ورتاسىندا ورنالاسقان Dom Aquaree قوناق ۇيىندە 16 مەترلىك اكۆاريۋم سىنىپ كەتتى. اكۆاريۋمدا 1،5 مىڭ تەڭىز جانۋارى بولعان. ەكى ادام زارداپ شەكتى، دەپ حابارلايدى Almaty-akshamy.kz Inform.kz-كە سىلتەمە جاساپ.
Dom Aquaree ءقوناقۇيى بەرليننىڭ ورتالىعىنداعى كارل-ليبكنەحت-شتراسسە كوشەسىندە، بەرلين الەكساندەرپلاس الاڭى مەن ايگىلى تەلەمۇنارانىڭ جانىندا ورنالاسقان.
ول الەمدەگى ەڭ ۇلكەن اكۆاريۋمداردىڭ ءبىرى سانالاتىن. وندا 1،5 مىڭ تەڭىز جانۋارى مەن 1 ميلليون ليتر سۋ بولعان.
بالىقتار سۋمەن بىرگە كوشەگە اعىپ كەتتى.
Reuters اگەنتتىگىنىڭ حابارلاۋىنشا، وقيعانىڭ سەبەبى ءالى انىقتالماعان. الايدا، الدىن الا بولجام بويىنشا، وعان ماتەريالداردىڭ توزۋى سەبەپ بولعان.
ءقازىر اكۆاريۋمى بار ءقوناقۇي تۇرعان كوشە جابىق.
جولعا كوپ سۋ توگىلگەن. وقيعا ورنىندا اپاتتىق-قۇتقارۋ قىزمەتىنىڭ 100 مامانى جۇمىس ىستەپ جاتىر.
ءقوناقۇي قوناقتارىن ەۆاكۋاسيالاۋ ءۇشىن ارنايى مارشرۋتتىق اۆتوبۋستار ۇيىمداستىرىلعان. قازىرگى ۋاقىتتا بەرليندەگى اۋا تەمپەراتۋراسى -7°.