«مايستەر-زال» ساحناسىندا ەلىمىزدىڭ اتىنان ماڭعىستاۋلىق ارتىستەر ونەر كورسەتكەن.
نەمىس تىڭدارماندارى «اقشاعىل» جانە «جورعا» انسامبلدەرىنىڭ مۋزىكالىق شەبەرلىگىنە ءتانتى بولدى. جەتىگەن، دومبىرا، دابىل، قىلقوبىز. مەرەكەلىك كەشتى اشقان «اقشاعىل» ەتنو-فولكلورلىق ءانسامبلى نەمىس تىڭدارمانىن تاڭداي قاقتىردى، دەپ حابارلايدى Almaty-akshamy.kz 24.kz-كە سىلتەمە جاساپ.
سەبەبى، ءار ونەرپاز اتالعان 5 اسپاپتا ويناي الادى. انسامبل قۇرامىندا قۇرمانعازى اتىنداعى ۇلتتىق كونسەرۆاتوريا تۇلەكتەرى دە بار. ۇلى دالانىڭ عاجايىپ اۋەنى العاشقى نوتالاردان-اق تىڭدارمانىن باۋراپ الدى.
«كەرەمەت كونسەرت بولدى. كوزىمدى جۇمعان كەزدە مەن ءوزىمدى قازاقستاننىڭ كەڭ بايتاق دالاسىندا جۇرگەندەي سەزىندىم. اسپاپتار شىنايى اتموسفەرانى جەتكىزە ءبىلدى. ەلدەرىڭىزدى رەسپۋبليكا كۇنىمەن شىن جۇرەكتەن قۇتتىقتايمىن! قازاقستانعا سەرپىندى دامۋ تىلەيمىن»! - دەيدى بۋندەستاگ دەپۋتاتى كاترين بۋددە.
شيرەك عاسىردان بەرى ساحنادا تورىندە جۇرگەن اقتاۋلىق «جورعا»ءانسامبلى قازاقتىڭ بەكزادا بي ونەرىن پاش ەتتى. كورەرمەندەر قاتارىنان بۋندەستاگ دەپۋتاتتارى، كاسىپكەرلەر، ءتىپتى، گەرمانيانىڭ ەكس-پرەزيدەنتى حورست كەلەر دە كورىندى.
«مۋزىكانتتار مەن بيشىلەر قازاق مادەنيەتىن تولىق جەتكىزە الدى. مەن اتقا مىنگەن شاباندوزدار، جابايى اڭدار مەن اڭشىلاردى كورگەندەي اسەردە بولدىم. سونداي-اق، قازاقتىڭ ۇيلەنۋ تويىنا بارىپ كەلگەندەي بولدىق. وسىنداي كونسەرتتەردىڭ، ونەرپازداردىڭ ارقاسىندا ءبىز قازاقستان تۋرالى كوبىرەك بىلە تۇسەمىز. سىزدەردى رەسپۋبليكا كۇنىمەن قۇتتىقتايمىن جانە وسىپ-وركەندەۋ تىلەيمىن»! - گەرمانيانىڭ فەدەرالدى پرەزيدەنتى (2004-2010 ج.ج.) حورست كەلەر.
«بۇل ەرەكشە كەش بولدى. ءار ءتۇرلى اسپاپ پەن مۋزىكانتتاردىڭ شەبەرلىگى مەنى تاڭ قالدىردى. عاجاپ كونسەرت بولدى! قۇرمانعازى، داۋلەتكەرەي، نۇرعيسا دارابوزداردىڭ جانە سەباستيان باحتىڭ ولمەس تۋىندىلارى وينالدى. ءدال وسىنداي كونسەرت ميۋنحەن مەن فرانكفۋرت قالالارىندا دا وتەدى»، - دەيدى تومەنگى ساكسونياداعى ق ر قۇرمەتتى كونسۋلى گيۋنتەر پاپەنبۋرگ.