قۇجاتتىڭ جوباسى تالقىلانۋدا.
«اشىق نقا» پورتالىندا بەنزين مەن ءبىرقاتار جانارماي ونىمدەرىن سىرتقا شىعارۋعا تىيىم سالۋ تۋرالى بىرلەسكەن بۇيرىقتىڭ مەرزىمىن ۇزارتۋدى كوزدەيتىن قۇجاتتىڭ جوباسى تالقىلانۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مۇناي ونىمدەرىن ءوندىرۋ سالاسىنداعى ۋاكىلەتتى ورگاننىڭ كەلىسىمى جانە جوعارىدا كورسەتىلگەن جۇمىستاردى جۇرگىزۋگە ۋاكىلەتتىك ۇيىممەن شارت جانە وسى ماقساتتار ءۇشىن اۆياسيالىق وتىن ۇلگىلەرىنىڭ (سىنامالارىنىڭ) جانە كولەمدەرىنىڭ قاجەتتى سانى كورسەتىلگەن حات بولعان جاعدايدا، اۆياسيالىق وتىننىڭ رەاكتيۆتى ونەركاسىپتىك وندىرىسكە (رەاكتيۆتى قوزعالتقىشتارعا ارنالعان وتىن) قويۋ، ونى ونەركاسىپتىك ءوندىرۋدىڭ تەحنولوگياسىن بەكىتۋ جانە/نەمەسە قايتا بەكىتۋ ماقساتىندا تاجىريبەلىك-ونەركاسىپتىك پارتيادان قوسپالاردى ىرىكتەۋ، ۇلگىلەردى بىلىكتىلىك جانە زەرتحانالىق سىناۋ جونىندەگى عىلىمي-زەرتتەۋ جۇمىستارىن جۇرگىزۋ ءۇشىن اۆياسيالىق وتىندى اكەتۋدى قوسپاعاندا، اۆتوموبيل كولىك قۇرالدارىن دايىنداۋشى زاۋىتپەن كوزدەلگەن بەنزين باكتارىندا اكەتۋدى قوسپاعاندا، جاعارمايدى (ەاەو سەق تن كودى 2710 19 820 0، 2710 19 840 0، 2710 19 860 0، 2710 19 880 0، 2710 19 920 0، 2710 19 940 0، 2710 19 980 0، 3403 19 900 0، 3403 91 000 0) قوسپاعاندا، بەنزيندەردى، ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن (ەاەو سەق تن كودى 2709 00، 2710، 2902، 3403، 3811، 3826 00) قازاقستان رەسپۋبليكاسىنىڭ اۋماعىنان اۆتوموبيل كولىگىمەن اكەتۋگە التى اي مەرزىمگە تىيىم سالۋ ەنگىزىلسىن»، - دەپ جازىلعان بۇيرىق جوباسىندا.
قۇجات 3 قاڭتارعا دەيىن قوعام تالقىلاۋىنا ۇسىنىلىپ وتىر.