جاھاندىق ترەندتى كورسەتتى.
جاڭا جىل قارساڭىندا ءوتىپ جاتقان جىلدىڭ قورىتىندىسىن شىعارۋ داستۇرگە اينالعان، ۋنيۆەرسيتەتتەردىڭ حالىقارالىق رەيتينگتەرىنە قاتىسۋ جاھاندىق، وڭىرلىك جانە ەلدىك دەڭگەيلەردە باسەكەگە قابىلەتتىلىككە اسەر ەتەتىن ءبىلىم بەرۋ ساپاسىن جانە جالپى ۋنيۆەرسيتەتتىڭ تيىمدىلىگىن ماڭىزدى باعالاۋ بولىپ تابىلادى. Abai University ءبىرقاتار بەدەلدى حالىقارالىق رەيتينگتەردەگى پوزيسيالارىن جاقسارتتى، بۇل ۋنيۆەرسيتەتتىڭ جوعارى ءبىلىم بەرۋدىڭ جاھاندىق اكادەميالىق كەڭىستىگىنە ينتەگراسيالانۋىنىڭ جانە ۇلتتىق برەند تۋرالى حاباردار بولۋىنىڭ ايقىن دالەلى، دەپ حابارلايدى Almaty-akshamy.kz.
قارقىندى وزگەرىپ جاتقان الەمدە ءوزىنىڭ حالىقارالىق ارەناداعى «كورىنىسىن» ارتتىرۋ ماقساتىندا اباي اتىنداعى قازۇپۋ ەكى نەگىزگى باعىت بويىنشا پەداگوگيكالىق زەرتتەۋ ۋنيۆەرسيتەتىنە اينالۋدا. بىرىنشىدەن، مەكتەپتەگى ءبىلىم بەرۋ سالاسىنداعى قاجەتتىلىكتەردى بولجايتىن، ۋاقىت تالابىنا لايىقتى جاۋاپتار مەن ادەكۆاتتى شەشىمدەر بەرۋگە قابىلەتتى پەداگوگيكالىق كادرلاردى دايارلاۋ. ەكىنشىدەن، ۋنيۆەرسيتەتتىڭ عىلىمي الەۋمەتتىك ينستيتۋت رەتىندەگى نەگىزگى قىزمەتى جاڭا ءبىلىم ءوندىرۋ، عىلىمي-زەرتتەۋ قىزمەتىنە نازار اۋدارۋدى كۇشەيتۋ ەكەنىن ەسكەرسەك. ەكىنشىدەن، ۋنيۆەرسيتەتتىڭ عىلىمي الەۋمەتتىك ينستيتۋت رەتىندەگى نەگىزگى قىزمەتى جاڭا ءبىلىم ءوندىرۋ، عىلىمي-زەرتتەۋ قىزمەتىنە نازار اۋدارۋدى كۇشەيتۋ ەكەنىن ەسكەرسەك. Web of Science (WOS) جانە Scopus دەرەكقورىندا يندەكستەلەتىن حالىقارالىق عىلىمي جۋرنالداردا جاريالانىمدار سانىن، سونداي-اق ولاردىڭ دايەكسوزىن ارتتىرۋ، حالىقارالىق عىلىمي ىنتىماقتاستىقتار مەن كاسىبي بايلانىستاردى ارتتىرۋ، الەمنىڭ جەتەكشى ۋنيۆەرسيتەتتەرىنەن شەتەلدىك وقىتۋشىلاردى ۇلعايتۋ، شىعاتىن جانە كىرەتىن اكادەميالىق ۇتقىرلىقتى ارتتىرۋ، اكادەميالىق بەدەلدى جانە ۇيىمدار اراسىنداعى جۇمىس بەرۋشىلەردىڭ بەدەلىن ارتتىرۋ. جوعارىدا ايتىلعانداردىڭ بارلىعى حالىقارالىق رەيتينگتەردەگى نەگىزگى ينديكاتورلار بولىپ تابىلادى، سايكەسىنشە ۋنيۆەرسيتەتتىڭ ءيميدجىن الەمدىك ماسشتابتا ودان ءارى ىلگەرىلەتۋ ءۇشىن ءوسۋ نۇكتەلەرى بولىپ تابىلادى.
بيىلعى جىلى Abai University ۇسىنىلعان نەگىزگى حالىقارالىق ۋنيۆەرسيتەت رەيتينگتەرى Quacquarelli Symonds (QS) جانە Times Higher Education (THE)، سونداي-اق ەكولوگيا جانە تۇراقتى دامۋ بويىنشا مامانداندىرىلعان UI Green Metric WUR بولىپ تابىلادى. جالپى، رەيتينگتەردى تالداۋ تۇراقتى دامۋ ماقساتتارى مەن نازاردى پاندىك سالالارعا اۋدارۋ بويىنشا جاھاندىق ترەندتى كورسەتتى.
QS WUR اناليتيكاسىنا سايكەس، Abai University الەمدەگى 1422 رەيتينگتىك ۋنيۆەرسيتەتتىڭ ىشىندە #511-520 ورىنعا يە بولدى، بۇل وتكەن جىلعى رەيتينگتەن 40 تارماققا جوعارى (#551-560). QS Graduate Employability Rankings رەيتينگىندە Abai University 501+ ورىندى يەلەندى. ەۋروپا مەن ورتالىق ازيانىڭ دامۋشى ەلدەرى – QS Emerging Europe and Central Asia University Rankings 2022 (EECA) رەيتينگىندە ۋنيۆەرسيتەت 70-ورىنعا يە بولدى. جۇمىسپەن قامتۋ رەيتينگى QS WUR قۇرامداس بولىگىنە اينالعانىن، ال EECA رەيتينگى وڭىرلەر بويىنشا بولشەكتەلگەنىن جانە بۇۇ جىكتەمەسىندە قايتا قارالعانىن، ال ورتالىق ازيا – ازيا ماكرووڭىرىنە كىرگەنىن تۇسىندىرە كەتكەن ءجون. بۇكىلازيالىق رەيتينگتىڭ قورىتىندىسى بويىنشا ۋنيۆەرسيتەت 760 قاتىسۋشىنىڭ اراسىندا 147ء-شى ورىندى يەلەنىپ، ازيانىڭ ۇزدىك 20% ۋنيۆەرسيتەتىنىڭ قاتارىنا ەندى.
5 سانات بويىنشا توپتاستىرىلعان 51 ءپاندى قامتيتىن QS WUR by Subject 2022 رەيتينگىنىڭ قورىتىندىسى بويىنشا ۋنيۆەرسيتەت ءوزىن بىرنەشە نوميناسيالاردا كورسەتتى. «ءبىلىم جانە وقىتۋ» ماماندىعى بويىنشا «الەۋمەتتىك عىلىمدار جانە مەنەدجمەنت» ساناتىندا ۇزدىك ناتيجە – 62 ورىن. پەداگوگيكالىق بولا وتىرىپ، ۋنيۆەرسيتەت پروفيلدىك ماماندىعى بويىنشا الەمنىڭ ۇزدىك جۇزدىگىمەن كىردى. «ونەر جانە گۋمانيتارلىق عىلىمدار» اتتاس سانات پەن ماماندىعى بويىنشا ۋنيۆەرسيتەت 297ء-شى ورىندا. وسى ساناتتا «لينگۆيستيكا» ماماندىعى بويىنشا 201-250 پوزيسيا. پاندەر بويىنشا رەيتينگكە باسا نازار اۋدارۋ – ول ايقىن تەندەنسيا. رەيتينگتىڭ ارقاسىندا وكسفورد، كەمبريدج جانە گارۆارد جالپى ونەر جانە گۋمانيتارلىق عىلىمدار سالاسىنداعى ۇزدىك ۋنيۆەرسيتەتتەر رەتىندە تانىلدى. ال الەۋمەتتىك عىلىمدار بويىنشا گارۆارد، وكسفورد جانە لوندون ەكونوميكا مەكتەبى (LSE). وسىلايشا، اباي اتىنداعى قازۇپۋ قازاقستان مەن ورتالىق ازيادا پەداگوگيكالىق ءبىلىم بەرۋ سالاسىندا كوشباسشى بولۋعا جانە ءوزىنىڭ اكادەميالىق ارتىقشىلىعىن ساقتاۋعا ۇمتىلادى، بۇل بۇگىنگى كۇنى راستالعان فاكت بولىپ تابىلادى.
بيىل ۋنيۆەرسيتەت QS Stars رەيتينگىنە العاش رەت قاتىسىپ، ءبىرىنشى ارەكەتتەن QS Stars «4 جۇلدىز» جوعارى نوميناسياسىنا يە بولدى. بۇل جەتىستىك تۋرالى ءبىلىم بەرۋ سالاسىنداعى ماڭىزدى ءىس-شارالاردا جوعارى تريبۋنالاردان ماقتانىشپەن ايتىلادى.
اتالعان رەيتينگتەردەن باسقا، Abai University THE رەيتينگتەر قاتارىندا دا ۇسىنىلعان. بۇل رەيتينگ بەلسەندى زەرتتەۋ ۋنيۆەرسيتەتتەرىن بارلىق قىزمەت سالالارىندا باعالايدى: وقىتۋ، زەرتتەۋ، ءبىلىم بەرۋ جانە حالىقارالىق ءوزارا ارەكەتتەسۋ. THE WUR جانە THE Asia باعالاۋىندا ۋنيۆەرسيتەت Reporter مارتەبەسىنە يە بولدى.
تۇراقتى دامۋ ماقساتتارى بويىنشا THE Impact Rankings رەيتينگى باعدارلانعان، وعان سايكەس ۋنيۆەرسيتەتتىڭ الەمدەگى پوزيسياسى #601-800، بۇل قازاقستانداعى 1 ورىنعا سايكەس كەلەدى.
جەلتوقسان ايىنىڭ باسىندا ەكولوگيالىق تۇراقتىلىققا باعىتتالعان UI Green Metrics ناتيجەلەرى جاريالاندى، وندا ۋنيۆەرسيتەت 1050 قاتىسۋشىنىڭ ىشىنەن 738ء-شى ورىندى يەلەندى.
حالىقارالىق رەيتينگتەردەگى جەتىستىكتەر ديناميكاسى Abai University جوعارى ءبىلىم بەرۋدىڭ الەمدىك ارەناسىندا ەلەۋلى ويىنشى ەكەنىن كورسەتەدى، قازىرگى ۋاقىتتا قازاقستان مەن ورتالىق ازيانىڭ پەداگوگيكالىق ءبىلىم بەرۋىندە QS by Subject نۇسقاسى بويىنشا 1-ورىندى يەلەنىپ، ەل ىشىندە تانىلىپ، ورتالىق ازياداعى ورنىقتى وڭىرلىك كوشباسشىلىققا ۇمتىلۋدا.
