جۋىردا عانا «گالاكتيكوستا» ويناعىسى كەلەتىنىن مالىمدەگەن «رەال ءمادريدتىڭ» فرانسۋزدىق شابۋىلشىسى كاريم بەنزەما بۇل ويىنان اينىپ قالعانىن مالىمدەدى، دەپ حابارلايدى Almaty-akshamy.kz.
Zakon.kz. مالىمەتىنە سۇيەنسەك، كلۋبتىڭ باسپا ءسوز قىزمەتى ونىڭ كاريم بەنزەمانىڭ كەتەتىنىن حابارلادى، ال ويىنشىمەن رەسمي قوشتاسۋ ءراسىمى 6 ماۋسىمعا جوسپارلانعان. كاريم بەنزەما «رەال مادريدتە» 14 جىل وينادى، وسى ۋاقىت ىشىندە ول 25 جۇلدە جەڭىپ الدى.
ايگىلى شابۋىلشى لا ليگانىڭ 38-تۋر ويىندارى اياسىندا "اتلەتيككە" قارسى ويىندا پەنالتيمەن قوشتاسۋ گولىن سوقتى. وسى ماچتا ناتيجەنى تەڭەستىرگەن فۋتبولشى «سانتياگو بەرنابەۋ»
كورەرمەندەرى قوشەمەتكە بولەدى.
كورەرمەندەرى قوشەمەتكە بولەدى.
بەنزەمانىڭ كەتۋى كوپشىلىك ءۇشىن كۇتپەگەن جاعداي بولدى، ويتكەنى فرانسۋز شابۋىلشىسى 1 ماۋسىمدا مادريدتىك كوماندادا تاعى ءبىر جىل وينايتىنىن حابارلاعان ەدى.
كەيبىر اقپارات كوزدەرىنە سۇيەنسەك، فرانسۋزدىق شابۋىلشى مانسابىن ساۋد ارابياسىندا جالعاستىرادى. «ءال-يتتيحاد» كلۋبى بەنزەماعا 200 ميلليون ەۋرو تۇراتىن ەكى جىلدىق كەلىسىمشارت ۇسىنعان.