سقو پوليسيا دەپارتامەنتى باسپا ءسوز قىزمەتىنىڭ مالىمەتىنشە، 16 جەلتوقسان كۇنى ساعات 05:00-دە ايىرتاۋ اۋداندىق پوليسيا بولىمىنە ۋچاسكەلىك پوليسيا ينسپەكتورى حابارلاسىپ، مال شارۋاشىلىعى كەشەنىندە 44 قويدىڭ بەلگىسىز سەبەپپەن قىرىلعاندىعىن ايتقان.
وقيعا ورنىنا بىردەن جەدەل تەرگەۋ توبى جەتتى. تەكسەرىس بارىسىندا ولگەن قويلاردى بەلگىسىز جىرتقىش اڭ تالاعاندىعى انىقتالعان. ولەكسەلەر تىرنالىپ، تىستەلگەن، تاماعى ورىلعان. ال بىرەۋى جارتىلاي جەلىنگەن بولعان.
پوليسەيلەر قويعا ءيتتىڭ تيگەنىن بىردەن جوققا شىعاردى، ويتكەنى قوراعا جابايى اڭنىڭ كەلگەنى ىزىنەن بەلگىلى بولدى.
اۋداندىق پوليسيا ءبولىمىنىڭ باسشىسى مارات سەركەشيەۆتىڭ ايتۋىنشا، قورانىڭ اينالاسىن 500-600 مەتر قاشىقتىقتا قاراۋ كەزىندە سىلەۋسىن ىزدەرىنە ۇقساس ىزدەر تابىلدى. جالپى ماتەريالدىق شىعىن شامامەن 1 ملن تەڭگە شاماسىندا.