قاراعاندىلىق ءتارتىپ ساقشىلارى جابىرلەنۋشىنىڭ ەسەپ-شوتىنان 6 ميلليوننان استام اقشا ۇرلاعان كۇدىكتىنى ۇستادى، دەپ حابارلايدى almaty-akshamy.kz
قاراعاندى قالالىق پوليسيا باسقارماسىنا قاراستى وڭتۇستىك-شىعىس پوليسيا بولىمىنە 32 جاستاعى ازاماتشادان ارىز ءتۇستى. جابىرلەنۋشى ارىزىندا ينتەرنەت-الاياقتارىنىڭ قۇربانى بولعاندىعى تۋرالى ايتتى. كۇدىكتى جابىرلەنۋشىگە حابارلاسىپ، بەلگىسىز ءبىر سايتقا تىركەلۋ ارقىلى تابىس تابۋعا بولعانىن ايتىپ، جۇمىس ۇسىنعان. ارادا بولعان سەنىمدى اڭگىمەدەن كەيىن، جابىرلەنۋشى كۇدىكتىنىڭ ايتقان سوزىنە كەلىسكەن. ءسويتىپ، ول الاياققا ءوزىنىڭ جەكە باس قۇجاتتارى تۋرالى اقپارات جىبەرگەن. بارلىق اقپاراتتى العان سوڭ كۇدىكتى جابىرلەنۋشىنىڭ ەسەپ-شوتىنان 6 ميلليوننان استام اقشانى جىمقىرىپ، جابىرلەنۋشىمەن بايلانىسىن ۇزگەن.
كريمينالدىق پوليسيا قىزمەتكەرلەرىمەن قىلمىستى اشۋ بويىنشا جۇرگىزىلگەن كەشەندى ءىس-شارالار بارىسىندا وسى ىسكە قاتىسى بار دەگەن كۇدىكپەن 24 جاستاعى قوستاناي وبلىسىنىڭ تۋماسى ۇستالدى. ول قىلمىسى بويىنشا مويىنداۋ كورسەتپە بەلگىلەرىن بەردى. قازىرگى ۋاقىتتا كۇدىكتىگە قاتىستى قىلمىستىق ءىس قوزعالىپ، ونىڭ وسىعان ۇقساس باسقادا قىلمىستارعا قاتىستىلىعى تەكسەرىلۋدە.
ماسەلەن، وسىعان ۇقساس ينتەرنەت-الاياقتىعى. قاراعاندى قالالىق پوليسيا باسقارماسىنا قاراستى كيروۆ پوليسيا بولىمىنە 59 جاستاعى ازاماتشا ارىزبەن شاعىمداندى. جابىرلەنۋشىنىڭ سوزىنشە ول الاياقتاردىڭ ىس-ارەكەتى تۋرالى حاباردار بولعان. ءوز كەزەگىندە الاياقتىق جيىلەپ كەتكەندىگى تۋرالى ءوزىنىڭ ارىپتەستەرىنە دە تۇسىندىرمە جۇمىستارىن جۇرگىزگەن. الايدا، ءوزى الاياقتىڭ قۇربانى بولعانىن سەزبەي قالعان.
جابىرلەنۋشىگە بەلگىسىز بىرەۋ حابارلاسىپ، ءوزىن بانك قىزمەتكەرىمىن دەپ تانىستىرعان. حابارلاسقان ادام، جابىرلەنۋشىگە بەلگىسىز بىرەۋ ونىڭ اتىنان ەكى قارجى ۇيىمىنان نەسيە راسىمدەپ جاتقانىن ايتقان. بەلگىسىز ازاماتپەن اراداعى تەلەفون ارقىلى بايلانىس ەكى ساعاتقا سوزىلعان. جابىرلەنۋشى وسى ارالىقتا پسيحولوگيالىق تۇرعىدا الاياقتىڭ ايتقانىنا سەنىپ، ونىڭ بارلىق ايتقان نۇسقاماسىن جاساعانىن ايتتى. كەلەسى كۇنى ول، ءوزىنىڭ ەسەپ-شوتىنان بەلگىسىز بىرەۋدىڭ 4،5 ميلليون تەڭگە اقشاسىن شەشىپ العانىن بىلگەن.
-بۇل دەرەك بويىنشا قىلمىستىق كودەكستىڭ الاياقتىق بابىمەن قىلمىستىق ءىس قوزعالدى. قالا جانە وبلىس تۇرعىندارىنا ەگەردە بەلگىسىز بىرەۋلەر قوڭىراۋ شالىپ، جەڭىل جولمەن اقشا تابۋدى ۇسىنسا، نە بولماسا وزدەرىن بانك قىزمەتكەرلەرىمىز دەپ تانىستىرىپ، قارجىعا بايلانىستى ۇسىنىس جاساسا بىردەن تەلەفون تۇتقاسىن قويۋدى ەسكەرتەمىن. ءارقاشان ساقتىق تانىتىپ، جەكە باس قۇجاتتارىڭىزدى ەشكىمگە بەرمەڭىزدەر،-دەدى قاراعاندى وبلىستىق پوليسيا دەپارتامەنتى باستىعىنىڭ ورىنباسارى ءابىل ءابىلدين.
قاراعاندى وبلىسىنىڭ پد باسپا ءسوز قىزمەتى