بەلگيادا كارانتيندىك شەكتەۋلەر الىنادى

كارانتين شارالارى باسەڭدەيدى

قىركۇيەكتەن باستاپ بەلگيادا كارانتيندىك شارالار كۇشىن جويماق، دەپ حابارلايدى Almaty-akshamy.kz «حابار 24» سايتىنا سىلتەمە جاساپ. 

ستاتيستيكا بويىنشا، ءار 10 بەلگيالىق ازاماتتىڭ 8ء-ى ەكپە سالدىرعان. بۇعان بۇل ەلدەگى ەكپە سالۋ ناۋقانىنىڭ ءبىر ىزگە قويىلۋى سەبەپ. بۇل تۋرالى وسى ەلدىڭ پرەمەر-مينيسترى حابارلادى. ەندى مەيرامحانالارداعى ادام سانى شەكتەلمەيدى. قوعامدىق تاماقتانۋ ورىندارىنىڭ بارلىعى تۇنگى ساعات 1-گە دەيىن جۇمىس ىستەۋ مۇمكىندىگىنە يە. تەك ەل استاناسىنداعى احۋال ازىرشە وڭالماعاندىقتان، ونداعى كارانتين تالاپتارى ءالى دە كۇشىندە بولادى. وسىعان وراي شاھاردا حالىق كوپ شوعىرلاناتىن ورىندار مەن كولىكتەردە ماسكا تاعۋ رەجيمى ساقتالماق. جەرگىلىكتى بيلىك تۇرىنداردى ۆاكسينا سالدىرۋعا شاقىرادى. ايتا كەتەيىك، ءقازىر بەلگيادا ەكپە سالۋ ناۋقانى ەرىكتى تۇردە جۇرۋدە. تەك مەديسينا قىزمەتكەرلەرى مەن قارتتار ۇيىندەگىلەر مىندەتتى تۇردە ەگىلۋى ءتيىس.

«مەديسينا قىزمەتكەرلەرى حالىقتىڭ دەنساۋلىعىنا جاۋاپكەرشىلىكپەن قاراۋ كەرەك. بەلگيادا ءالى كۇنگە دەيىن ۆيرۋس جۇقتىرعان ناۋقاستار از دا بولسا تىركەلىپ جاتىر. بۇل جاعداي ءبىراز ۋاقىت ساقتالماق. ويتكەنى حالىق دەمالىستان ورالا باستادى، وقۋ جىلىنىڭ باستالۋىنا دا از قالدى. دەسە دە، ۆاكسينانىڭ اسەرى بولار، ءولىم-جىتىم مەن اۋرۋحاناعا تۇسكەندەردىڭ سانى ازايۋدا»، - دەدى بەلگيانىڭ پرەمەر-مينيسترى الەكساندر دە كرو.