شارا ەكى ەل اراسىنداعى ديپلوماتيالىق قارىم-قاتىناستىڭ 30 جىل تولۋىنا وراي ۇيىمداستىرىلىپ وتىر.
وسى شارا اياسىندا مينسكىدە قازاق كينوسىنىڭ كۇندەرى ءوتىپ جاتىر، دەپ حابارلايدى Almaty-akshamy.kz.
وندا جينالعان تالعامپاز كورەرمەن قازاق حالقىنىڭ باي مادەنيەتى مەن تاريحىن ناسيحاتتايتىن وتاندىق تۋىندىلاردى تاماشالادى. قالا تۇرعىندارى مەن قوناقتار قازاقستان جايلى تىڭ دەرەكتەرمەن تانىستى. جالپى، ەكى ەلدىڭ ىنتىماقتاستىعىن ودان سايىن ارتتىرىپ، مادەنيەت سالاسىنداعى بايلانىستى جاڭا دەڭگەيگە كوتەرۋ جوسپارلانىپ وتىر.
«قۇرمانعازى اتىنداعى قازاق ۇلتتىق كونسەرۆاتورياسى مەن مينسك قالاسىنداعى مۋزىكالىق اكادەمياسى اراسىندا مادەني سالاداعى وقۋ باعدارلامالارىمەن ساباقتاستىعىمىزدى پىسىقتايتىن بولامىز. قازاقستاننىڭ جۇبانوۆ اتىنداعى وقۋ ورنىنىڭ كونسەرتتەرى، ماستەر-كلاسستارى جوسپارلانعان»، - دەدى ق ر مادەنيەت جانە سپورت ۆيسە-مينيسترى نۇرقيسا داۋەشوۆ.