مەملەكەت باسشىسى شاحماتتان قازاقستاننىڭ ايەلدەر قۇراماسىن پولشادا وتكەن كوماندالىق الەم چەمپيوناتىندا كۇمىس مەدال يە بولۋىمەن قۇتتىقتادى، دەپ حابارلايدى Almaty-akshamy.kz.
– شاحماتتان قازاقستان قۇراماسىن ايەلدەر اراسىنداعى كوماندالىق الەم چەمپيوناتىندا تۇڭعىش رەت كۇمىس مەدالعا يە بولۋىمەن قۇتتىقتايمىن! بۇل – ەلىمىزدىڭ شاحمات تاريحىنداعى ايتۋلى وقيعا. بايراقتى باسەكەدە قىزدارىمىز اسقان شەبەرلىكتىڭ جانە جەڭىسكە دەگەن شەكسىز ەرىك-جىگەردىڭ وزىق ۇلگىسىن كورسەتتى. سىزدەردىڭ تاماشا جەتىستىكتەرىڭىز شاحمات سپورتىن جان-جاقتى دارىپتەپ، وسكەلەڭ ۇرپاقتىڭ وعان دەگەن قىزىعۋشىلىعىن ارتتىرا تۇسەتىنى انىق.
مەملەكەت ادامنىڭ ءوي-ورىسىن جەتىلدىرەتىن بەكزات ونەردى دامىتۋعا بارىنشا قولداۋ كورسەتە بەرەدى. ەلىمىزدەگى كاسىبي جانە اۋەسقوي شاحماتشىلارعا تەك جارقىن جەڭىستەر تىلەيمىن! – دەپ جازدى پرەزيدەنت ءوزىنىڭ Instagram پاراقشاسىندا.
