ولجاس بەكتەنوۆ جاڭا كونستيتۋسيا جوباسىن تالقىلاۋ اياسىندا ءاقپاراتتىق-تۇسىندىرۋ جۇمىستارىن ۇيىمداستىرۋ بويىنشا كەڭەس وتكىزدى، دەپ حابارلايدى AqshamNews.kz ءتىلشىسى.
پرەمەر-مينيستر ولجاس بەكتەنوۆ ق ر جاڭا كونستيتۋسياسى جوباسىن حالىققا ءتۇسىندىرۋ بويىنشا كەڭەس وتكىزدى. جيىنعا ۇكىمەت مۇشەلەرى مەن ءوڭىر اكىمدەرى قاتىستى.
پرەمەر-مينيستر بارلىق دەڭگەيدەگى مينيسترلىكتەر مەن اكىمدىكتەرگە جاڭا كونستيتۋسيا جوباسىن حالىققا جان-جاقتى ءتۇسىندىرۋ جۇمىستارىن كۇشەيتۋدى تاپسىردى.
جالعان ءارى بۇرمالانعان اقپاراتتارمەن كۇرەسۋگە باسا نازار اۋدارىلدى. الەۋمەتتىك جەلىلەر مەن مەسسەندجەرلەردە شىندىققا جاناسپايتىن ارانداتۋشىلىق سيپاتتاعى جاريالانىمدار تىركەلۋدە. ىشكى ىستەر مينيسترلىگىنە «زاڭ مەن ءتارتىپ» قاعيداتىنا سايكەس، جالعان مالىمەتتەردى تاراتقانى ءۇشىن قاتاڭ قۇقىقتىق ارەكەت جانە جاۋاپكەرشىلىككە تارتۋدى قامتاماسىز ەتۋ تاپسىرىلدى.
ۇيلەستىرۋ پرەمەر-مينيستردىڭ ورىنباسارى – مادەنيەت جانە اقپارات ءمينيسترى ايدا بالايەۆاعا جۇكتەلدى.