ىستىقكولدە جوعالىپ كەتكەن 11 جاسار بەكبولات تۇردۋشيەۆ بىشكەكتە تابىلدى.
قاراكول پوليسيا بولىمىنە ۇلىنىڭ جوعالىپ كەتكەنى تۋرالى 58 جاستاعى ىستىقكول وبلىسى ءتۇپ اۋدانىنىڭ تۇرعىنى ارىزدانعان. ول ءوز ارىزىندا 25 قىركۇيەك كۇنى ساعات 15:00 شاماسىندا قاراكول قالاسىندا 2012 جىلى تۋعان ۇلى دوستارىمەن كەزدەسۋگە دەمالىس سۇراعانىن جانە سودان بەرى بايلانىسقا شىقپاعانىن كورسەتكەن.
ارىز پوليسيا بولىمىندە تىركەلىپ، كامەلەتكە تولماعان بالانى ىزدەۋ باستالدى.
«ىزدەستىرۋ جۇمىستارى بارىسىندا جوعالعان بالانىڭ بىشكەك قالاسىندا ورنالاسقان جەرى انىقتالدى. ول دوستارىمەن ءبىر كۇنى ەلورداعا كەتىپ، ولارمەن بىرگە بولعانى بەلگىلى بولدى. بالانىڭ دەنساۋلىعىنا ءقاۋىپ ءتونىپ تۇرعان جوق. قازىرگى ۋاقىتتا پوليسيا قىزمەتكەرلەرى بۇل فاكتىنىڭ سەبەپتەرى مەن ءمان-جايىن انىقتاۋدا»، - دەلىنگەن حابارلامادا.