بەيجىڭدەگى قىسقى وليمپيادا ويىندارى اياسىنداعى جارىس بيلەتتەرى قۇرلىقتاعى قىتايدا تۇراتىن جانكۇيەرلەر اراسىندا ساتىلادى، دەپ حابارلايدى almaty-akshamy.kz حالىقارالىق وليمپيادا كوميتەتىنىڭ (حوك) سايتىنا سىلتەمە جاساپ.
قىسقى وليمپيادا اياسىنداعى جارىستى كورگىسى كەلەتىندەر كوۆيدكە قارسى حاتتامالارعا سايكەس بولۋى ءتيىس. بيلەتتەردى ساتۋ ماسەلەسى تالقىلاۋ جانە وڭدەۋ ساتىسىندا، ولار تۋرالى اقپارات كەيىنىرەك جاريالانادى.
بەيجىڭ قالاسىنداعى 2022 جىلعى وليمپيادانىڭ كوروناۆيرۋسقا قارسى ۆاكسينالاۋدىڭ تولىق كۋرسىن وتكەن بارلىق سپورتشىلارى مەن قاتىسۋشىلارى بەيجىڭگە كەلگەن سوڭ جابىق سيكل جۇيەسىندە ورنالاسادى. ال ۆاكسينا الماعان سپورتشىلار جۇڭگو استاناسىنا كەلگەن سوڭ 21 كۇندىك كارانتينگە جاتقىزىلادى.
ۆاكسينا الماعان اتلەتتەر ۆاكسينالاۋدان باس تارتۋدىڭ مەديسينالىق نەگىزدەمەسىن ۇسىنسا، ولاردىڭ ءىسى بولەك قارالادى. بەيجىڭگە كەلىپ جەتەتىن بارلىق قاتىسۋشىلار (سپورتشىلار مەن اتلەتتەرمەن وليمپيادا اۋىلدارىندا بىرگە ەرىپ جۇرگەن دەلەگاسيانىڭ كەيبىر تۇلعالارىنان باسقا) ۇيىمداستىرۋشىلار بەلگىلەگەن كوۆيدكە قارسى شارالارعا سايكەس كەلەتىن قوناق ۇيلەردە تۇرادى.
ويىنداردىڭ بارلىق قاتىسۋشىلارى مەن قىزمەتكەرلەرىنەن كۇن سايىن كوروناۆيرۋسقا قارسى تەست الىنادى.
بەيجىڭدەگى قىسقى وليمپيادا ويىندارى 2022 جىلدىڭ 4-22 اقپان كۇندەرى، ال پاراليمپيادا ويىندارى – 4-13 ناۋرىزدا وتەدى.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/beyzhindegi-kysky-olimpiada-oyyndary-korermensiz-otedi_a3842871