بەيجىڭدە «قازاقستان تەمىر جولى» ۇك» اق جانە «جۇڭگو تەمىر جولدارى» مك باسشىلارى كەزدەستى

كەزدەسۋدە جاڭا جوبالارعا دا كوپ كوڭىل ءبولىندى

وسى جىلدىڭ 28 اقپانىندا بەيجىڭ قالاسىندا «قازاقستان تەمىر جولى» ۇك» اق جانە «جۇڭگو تەمىر جولدارى» مك كەزدەسۋى ءوتتى، دەپ حابارلايدى Almaty-akshamy.kz.

«جۇڭگو تەمىر جولدارى» مك-نىڭ باسشىسى ليۋ چجەنفان اتاپ وتكەندەي، «قازاقستان تەمىر جولى» دەلەگاسياسى — بۇل پاندەميادان كەيىن جۇڭگو تاراپى قابىلداعان العاشقى اكىمشىلىك.

كەزدەسۋدە ەكى ەل اراسىنداعى جۇك تاسىمالداۋ كولەمى وڭ قارقىن كورسەتىپ وتىرعانى اتاپ ءوتىلدى. 2022 جىلى جۇك تاسىمالى 23 ملن توننانى قۇراپ، تاريحي ماكسيمۋمنان استى. بۇل 2021 جىلمەن سالىستىرعاندا 15% -كە كوپ.

تاراپتار قازاقستان ارقىلى وتەتىن حالىقارالىق كولىك دالىزدەرىن دامىتۋ ماسەلەلەرى بويىنشا ىنتىماقتاستىقتىڭ اعىمداعى جاي-كۇيى مەن پەرسپەكتيۆالارىن تالقىلادى. قحر-دان يمپورت ماسەلەلەرىنە ەرەكشە نازار اۋدارىلدى.

«كەزدەسۋدە جاڭا جوبالارعا دا كوپ كوڭىل ءبولىندى. دوستىق – مويىنتى ۋچاسكەسىن جاڭعىرتۋ جانە باقتى – تاچەن ۋچاسكەسىندە ءۇشىنشى تەمىرجول شەكارا وتكەلىن سالۋ ماسەلەلەرى قارالدى»، - دەلىنگەن «قازاقستان تەمىر جولى» ۇك» اق باسپا ءسوز قىزمەتى تاراتقان اقپاراتتا.