بەيجىڭدە چجان ۆەنسيۋان ەسىمدى تۇرعىن وليمپيادا ويىندارىنىڭ ەڭ ۇلكەن جانكۇيەرى دەسە بولادى. 35 جاستاعى ازامات وسى ويىندارمەن بايلانىستى قۇنى 80 مىڭ دوللارداي بولاتىن ءتۇرلى ەسكەرتكىش زات پەن كادەسىي جيناعان، دەپ حابارلايدى اlmaty-akshamy.kz
ونىڭ شاھارداعى شاعىن پاتەرىنەن حوككەي شايبالارىنان باستاپ، ەستەلىك ماركا جانە ءتۇرلى تيىندارعا دەيىن كورۋگە بولادى. ەرەكشە حوببيمەن اينالىسۋدى 2000 جىلى سيدنەيدەگى وليمپيادادان باستاعان چجاننىڭ ءقازىر جەكە كوللەكسياسىندا 5 مىڭنان اسا جادىگەر بار.
- كەيدە قاتتى شارشاعان كەزدە وسى جيناعان زاتتارىم كۇش بەرەدى. بۇل بۇيىمداردىڭ ءارقايسىسىنىڭ وزىندىك تاريحى بار. ولارعا قاراپ، وليمپيادا ويىندارىنىڭ اشىلۋى مەن جابىلۋى، سپورتشىلاردىڭ تارتىستى سايىستارىنا بايلانىستى ساتتەر ەسكە تۇسەدى، - دەيدى كوللەكسيونەر چجان ۆەنسيۋان.