وليمپيادا تۋرالى
2022 جىلعى قىسقى وليمپيادانى وتكىزۋ قۇقىعىن بەيجىڭ 2015 جىلعى 31 شىلدەدە الدى. جۇڭگو استاناسى جازعى جانە قىسقى وليمپيادا ويىندارىن قابىلداعان العاشقى قالا بولادى.
ويىندار "تازا مۇز بەن قارداعى قۋانىشتى كۇن" ۇرانىمەن وتەدى جانە 2008 جىلعى جازعى وليمپيادا مۇراسىنا سۇيەنەدى. ۇيىمداستىرۋشىلار پەكين-2022 ميلليونداعان قىتايلىقتاردى قىسقى سپورت تۇرلەرىنە قىزىعۋعا شابىتتاندىرادى دەپ ۇمىتتەنەدى.
قىسقى سپورتتىڭ جەتى تۇرىنەن 109 مەدال جيىنتىعى ساراپقا سالىنادى. جارىس ءۇش ايماقتا وتەدى: پەكين ورتالىعى، يانسين جانە چجانسزياكوۋ.
پەكين 2008 جىلعى وليمپيادانىڭ سپورت نىساندارىن ىسكە قوسادى جانە بارلىق مۇز جارىستارىن (كەرلينگ، حوككەي، كونكيمەن جۇگىرۋ سپورتى)، سونداي-اق قاردا ءتورت جارىستى (ەرلەر مەن ايەلدەر اراسىنداعى سنوۋبوردينگ پەن شاڭعى فريستايلىنداعى بيگ-ەير) قابىلدايدى.
يانسين - استانانىڭ قالا ماڭىنداعى اۋدانى، پەكيننەن سولتۇستىك-باتىسقا قاراي 80 كم جەردە، ۇلى جۇڭگو قابىرعاسىنىڭ ايگىلى بولىكتەرى - بادالين مەن دجۋنگۋگۋان ورنالاسقان جەردە. وندا شاڭعى، بوبسلەي، سكەلەتون جانە شانا سپورتىندا مەدالدار ويناتىلادى.
چجانسزياكوۋ سولتۇستىك-باتىسقا قاراي كورشىلەس حەبەي پروۆينسياسىندا ورنالاسقان. ونداعى تانىمال قىسقى كۋرورت چۋنلي سنوۋبوردينگ، شاڭعى سپورتىنىڭ بارلىق ءتۇرى جانە بياتلوننان قالعان جارىستاردى قابىلدايدى.