بەيبىت يسابايەۆ جەتىسۋ وبلىسىنىڭ اكىمى بولىپ قايتا تاعايىندالدى

مەملەكەت باسشىسىنىڭ جارلىعىمەن بەيبىت وكسىكباي ۇلى يسابايەۆ جەتىسۋ وبلىسىنىڭ اكىمى بولىپ تاعايىندالدى.

بەيبىت وكسىكباي ۇلى يسابايەۆ 1962 جىلى الماتى وبلىسىندا تۋعان، دەپ حابارلايدى Almaty-akshamy.kz.

س.م.كيروۆ اتىنداعى قازاق مەملەكەتتىك ۋنيۆەرسيتەتىن، قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. ماماندىعى – جۋرناليست، حالىقارالىق قاتىناستار مامانى. توتەنشە جانە وكىلەتتى ەلشى ديپلوماتيالىق دارەجەسى بار، ساياسي عىلىمداردىڭ كانديداتى.

ەڭبەك جولىن 1985 جىلى قازاق كسر تەلەراديو حابارلارىن تاراتۋ جونىندەگى مەملەكەتتىك كوميتەتىنىڭ رەداكتورى بولىپ باستادى (1985-1987)؛

1987 - 1991 - رەسپۋبليكالىق «لەنينشىل جاس» گازەتىنىڭ ءتىلشىسى، ءبولىم مەڭگەرۋشىسى؛

1991-1994 – «وركەن»، «كوكجيەك» گازەتتەرىنىڭ ورىنباسارى، باس رەداكتورى؛

1994 - 1994 - قازاق مەملەكەتتىك تەلەديدارىنىڭ باس ديرەكتورى؛

1994 - 1994 - الماتى قالاسى اكىمشىلىگى باسشىسىنىڭ ورىنباسارى؛

1994 - 1995 - الماتى قالاسى اكىمدىگىنىڭ ىشكى ساياسات كوميتەتىنىڭ ءتوراعاسى؛

1995 - 1997 - الماتى قالاسى اكىمىنىڭ ورىنباسارى؛

1997 - 1999 - قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىنىڭ ستۋدەنتى؛

1999 - 2000 - قازاقستان رەسپۋبليكاسى سىرتقى ىستەر مينيسترلىگى اكىمشىلىك دەپارتامەنتىنىڭ ديرەكتورى؛

2000 - 2002 - پرەمەر-مينيستر كەڭسەسىنىڭ ۇكىمەتتىك اقپارات ءبولىمىنىڭ مەڭگەرۋشىسى؛

05.2002 - 09.2002  - سىرتقى ىستەر ءمينيسترىنىڭ كەڭەسشىسى؛

09.2002 - 12.2002 - قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى؛

2002 - 2003 - «ورتالىق ازيا ىنتىماقتاستىعى» ۇيىمى بويىنشا قازاقستان رەسپۋبليكاسىنىڭ ۇلتتىق ۇيلەستىرۋشىسى؛

2003 - 2006 - قازاقستاننىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى؛

2006 - 2008 - قازاقستاننىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى، ءبىر مەزگىلدە قازاقستاننىڭ البانيا رەسپۋبليكاسىنداعى توتەنشە جانە وكىلەتتى ەلشىسى؛

2008 - 2008 - مادەنيەت جانە اقپارات ۆيسە-مينيسترى؛

2008 - 2009 - قازاقستان رەسپۋبليكاسى تۇڭعىش پرەزيدەنتىنىڭ باسپا ءسوز حاتشىسى؛

2009 - 2015 - قازاقستاننىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى؛

2015 - 2019 - قازاقستاننىڭ ءازىربايجان رەسپۋبليكاسىنداعى توتەنشە جانە وكىلەتتى ەلشىسى؛

2019 - 2022 – قازاقستان رەسپۋبليكاسى پرەزيدەنتىنىڭ پارلامەنتتەگى وكىلدىگىنىڭ باسشىسى.

2022 جىلدىڭ 11 ماۋسىمىنان باستاپ جەتىسۋ وبلىسىنىڭ اكىمى بولدى.