بۇل جايىندا مادەنيەت جانە سپورت ءمينيسترى داۋرەن ابايەۆ ايتتى.
قازاقستان كينوتەاترلارىندا «بازز لايتەر» ءمۋلتفيلمىن كورسەتۋگە تىيىم سالىندى، دەپ حابارلايدى Almaty-akshamy.kz
«ەل ازاماتتارى مەن ب ا ق وكىلدەرى تاراپىنان شەتەلدىك «بازز لايتەر» انيماسيالىق فيلمىنە قاتىستى كوپتەگەن سۇراق كەلىپ ءتۇستى. جاۋابىمدى وسى جازبا ارقىلى جەتكىزۋدى ءجون كوردىم. «بازز لايتەر» انيماسيالىق ءفيلمى قازاقستان كينوتەاترلارىندا كورسەتىلمەيدى. شەشىم قابىلداندى»، – دەپ جازدى مادەنيەت جانە سپورت ءمينيسترى داۋرەن ابايەۆ ءوزىنىڭ الەۋمەتتىك جەلىدەگى پاراقشاسىندا.
«بازز لايتەر» – Pixar جانە Walt Disney Pictures كينوستۋديالارىنىڭ ءمۋلتفيلمى. فيلم «ويىنشىقتار تاريحى» انيماسيالىق ءفيلمى فرانشيزاسىنىڭ سپين-وففى.
مۋلتفيلمدە ەكى ايەلدىڭ بىر-بىرىمەن ءسۇيىسۋى ساحنالانۋىنا بايلانىستى مىسىر، يندونەزيا، ليۆان، كۋۆەيت، مالايزيا، ساۋد ارابياسى جانە ءباا سياقتى ەلدەردە كورسەتۋگە تىيىم سالىنعان ەدى.
جۇڭگو مەملەكەتى دە ول ەپيزودتى فيلمنەن الىپ تاستاۋدى تالاپ ەتتى.